Sýretti túsirgen Darına TО́REMURAT
Elge el qosylsa – qut. Bul kúnderi qazaq tilinde bilim beretin mektepte 400-deı oqýshy, orys tilindegi mektepte 366 oqýshy bar. Orys mektebinde 130-daı qazaq balasy oqyp júr. 1-5 jastyń aralyǵynda 400-deı búldirshin ósip keledi. Bala sanymen birge qonystanýshylar da kóbeıýde. О́ndiristi kent sanalatyn eldi meken, turǵyndarynyń kópshiligi záýlim bıik murjalary bar alyp stansada eńbek etýde. Birneshe sharýa qojalyǵy, shaǵyn jáne orta bıznes nysandary jumys isteıdi. Turǵyndardyń balalar jańa mektepte bilim alsa degen ótinishteri de oryndalar kún jaqyn. Qazir 420 oryndyq qazaq tilinde bilim beretin mektep qurylysyn salý úshin Ekibastuz qalasy ákimdiginiń qurylys bólimi qujattamalyq smeta jobasyn daıyndaýda. Respýblıkalyq bıýdjet qarajatyna salynatyn qurylysty jergilikti merdiger kompanııa júrgizbekshi. Bul qýanyshty jaıt qala ákimi Qaırat Núkenovtiń halyqpen bolǵan esepti kezdesýinde aıtyldy.
Naýryz meıramy kúni mektep salynatyn qurylys alańyna muǵalimder, oqýshylar, ata-analar jınaldy. Súıinshilep, bir-birin quttyqtaǵan kenttiń úlkenderi Ánýrbek, Qalıasqar qajylar, Klara, Zárý, Bıǵaısha ájeler «Mekteptiń irgetasy berik, shańyraǵy bıik bolsyn!» dep bata jasady. Shashý shashyldy. Oqýshylar mektepke keler jolǵa aǵash ekti. Kent ákimi Marjan Alshymbaeva da quttyqtaý sóz sóıledi.
Al Abaı atyndaǵy mektep dırektory Aıman Kenjebaevanyń aıtýynsha, aýyl úlkenderi kópten kútken qýanyshty Naýryz toıymen birge mektep salynatyn jerde atap ótýge usynys bildiripti. Osy qýanyshty el gazeti «Egemenmen» de bóliskimiz keldi deıdi aýyldyqtar.
Farıda BYQAI,
«Egemen Qazaqstan»
Pavlodar oblysy,
Ekibastuz qalasy
