Solardyń arasynda óńirimizge belgili qylqalam sheberi, Sýretshiler odaǵynyń múshesi Sultanbek Jańbyrshıevtiń de shákirtteri az emes. Jýyrda sýretshiniń «Kóktem shaqyrady» taqyrybynda jeke shyǵarmashylyq kórmesi ótip, oǵan qylqalam sheberiniń jeke qorynan jınaqtalǵan 111 týyndysy qoıyldy. Týyndylarynyń basym bóliginde sulý tabıǵat beınelengen. Osylaısha avtor týǵan jerge degen súıispenshiligin bildiredi. Sýretshi shynaıy jetkizý úshin ásem tabıǵattyń aıasynda jumys isteıtinin, al ustazynyń kórmesine kelgen shákirtteri týyndylardyń erekshe shabyt syılaıtynyn aıtady.
«Meniń jumystarymda túspen qalaı jumys isteý qajettigi kórsetilgen. Jáne kompozısııany qalaı qurýdy da úırenýge bolady. Osy sııaqty erekshelikter meniń jumystarymnan aıqyn kórinip turady. Bizdiń shákirtterimiz osy jerdegi jumystar sııaqty sýretter salýy kerek. Sol úshin olarǵa kórnekilik esebinde de kórme uıymdastyrýdy jón kórdik. Kórmege qoıylǵan týyndylardyń barlyǵy eshqandaı kóshirme emes, tabıǵattyń shynaıy kórinisteri», deıdi qylqalam sheberi.
Ǵalymjan ELShIBAI,
«Egemen Qazaqstan»
ShYMKENT
