Shara Qazaqstannyń Ulybrıtanııadaǵy elshiliginiń uıymdastyrýymen ótti.
Sharaǵa Qazaqstan Respýblıkasynyń Ulybrıtanııa jáne Soltústik Irlandııa Qurama Koroldigindegi Tótenshe jáne О́kiletti Elshisi Erlan Ydyrysov qatysyp, merekemen quttyqtady.
Syr elinen arnaıy barǵan ónerpazdar londondyqtar úshin eki birdeı konsert qoıyp, ónerlerin pash etti.
"Aqmeshit" ansambliniń konserttik baǵdarlamasy kórermenderdi túrli janrdaǵy mýzykalyq shyǵarmalarmen sýsyndatty. Ansambl ónerpazdary Dáýletkereıdiń "Kóruǵly", Yqylastyń "Jezkıik", halyq kúıi "El aırylǵan" syndy shyǵarmalar men álemdik klassıkalyq týyndylardy oryndap, al, ujymnyń jeke oryndaýshylary jyr-termeden shashý shashty.
"О́nerpazdarymyzdyń biregeı óneri arqyly biz ulttyq ónerdi dáripteımiz", - dep atap ótti fılarmonııa dırektory Talǵat Maqashev.
"Aqmeshit" folklorlyq ansambli Syr boıynyń tóltýma ónerin, qazaq ulttyq folkloryn nasıhattaý maqsatynda 2009 jyly oblystyq fılarmonııa janynan quryldy. 1972 jyly ashylǵan oblystyq fılarmonııada 7 shyǵarmashylyq ujym jumys jasaıdy, onyń biri - "Aqmeshit" ansambli.
Ansambl repertýarynda 100-den astam qazaq kúıleri men zamanaýı óńdelgen shyǵarmalar bar.
"Aqmeshit» folklorlyq ansambliniń quramynda 12 ónerpaz bar. Olar respýblıkalyq, halyqaralyq konkýrstar men festıvalderde jeńimpaz atanyp júr.
Atap ótý kerek, sońǵy jyldary oblys basshylyǵynyń qoldaýymen ansambl ónerpazdary О́zbekstan, Reseı, Túrkııa jáne elderine gastroldik saparlarda boldy.
