Kezdesýde Qazaqstan Prezıdentine partııanyń qazirgi qyzmeti jóninde málimet berilip, «Jas Otan» jastar qanatynyń IV seziniń qorytyndysy týraly baıandaldy.
Elbasy memlekettik saıasatty iske asyrý úderisinde partııanyń jastar qanaty mańyzdy mıssııa atqaratynyn aıtty.
– «Jas Otan» jastar qanatynyń sezi tabysty ótti. Meniń tapsyrmama sáıkes, jastar arasynda saıası jumys júrgizilýge tıis. «Jas Otannyń» maqsaty – Qazaqstan jastarynyń barlyǵyn biriktirý, – dedi Nursultan Nazarbaev.
Kezdesý barysynda Máýlen Áshimbaev sezdiń qorytyndysy boıynsha qol jetkizilgen nátıjelerge toqtaldy.
– IV sezge barlyq oblystar men óńirlerden 1500-den astam delegat qatysty. Forýmnyń birinshi kúni partııanyń konferensııasy jáne arnaıy bes paneldi sessııa ótti, – dedi «Nur Otan» partııasy Tóraǵasynyń birinshi orynbasary.
Budan bólek, M.Áshimbaev Nursultan Nazarbaevqa strategııalyq memlekettik jáne salalyq baǵdarlamalardy, sonyń ishinde «Rýhanı jańǵyrý» jáne «Sıfrlyq Qazaqstan» baǵdarlamalaryn júzege asyrý úderisine partııanyń atsalysýy týraly baıandady.
Sondaı-aq, «Nur Otan» partııasy Tóraǵasynyń birinshi orynbasary Memleket basshysyna partııanyń kadrlyq rezervin qalyptastyrý barysy jóninde málimdedi.
Kezdesý sońynda Nursultan Nazarbaev partııanyń túrli baǵyttaǵy jumysyn jandandyrý úshin birqatar naqty tapsyrma berdi.
