«Týǵan jerge taǵzym» respýblıkalyq jobasy aıasynda 126 is-shara uıymdastyryldy. О́ńirde týyp-ósken zamattardyń qol ushyn bergenin aıta ketken jón. Olardyń qatarynda «Egorovskıe sklady» JShS basshysynyń esimi qurmetpen atalady. Ol 320 mıllıon teńge turatyn balabaqshanyń qurylysyn paıdalanýǵa berdi. Osy kompanııa memleket-jekemenshik áriptestigi aıasynda tennıs kortyn salýda.Taıynsha aýdanynyń Ilıchevka aýylynda medısınalyq pýnkt ashyldy. Jeke kásipker S.Jaqypov jáne «Ilıch» JShS qaıtarymsyz negizde demeýshilik kómek kórsetti. Memleket-jekemenshik áriptestigi sheńberinde Komsomol aýyldyq okrýginde aýyl turǵyndaryna mádenı-saýyqtyrý ortalyǵy paıdalanýǵa berildi. Onyń qurylysyna «Kashın A.V. jáne K» fermerlik qojalyǵynyń basshysy Aleksandr Kashın demeýshilik kórsetti.
Qyzyljar – el qorǵaǵan batyrlardy, kúmis kómeı ánshiler men sal-serilerdi dúnıege ákelgen qasıetti meken. Osy sebepti «Talantqa toly týǵan óńir» óńirlik jobasy aıasynda «Jumaǵy jerdiń Qyzyljar» atty jergilikti aqyn-kompozıtorlardyń án konkýrsy ótkizildi. Keshte Kákimbek Salyqov, Ermek Serkebaev, Jolaman Tursynbaev jáne basqa jerlesterimiz ulyqtaldy.
«Sanaly azamat» bazalyq baǵytynyń «Uly dala jastary» jobasynyń aıasynda M.Qozybaev atyndaǵy SQMÝ-de stýdent jastarǵa baǵdarlamanyń mán-maǵynasyn túsindirý jumystary belsendi júrgizildi. «Rýhanı jańǵyrý» baǵdarlamasyn tolyqqandy júzege asyrý úshin ǵalymdardyń jetekshiligimen 4 eksperttik top quryldy. Bilim berý baǵdarlamalarynyń mazmuny jańartyldy. Oqý josparlaryna «О́lketaný jáne týrızm negizderi», «Ekologııalyq týrızm», «XIX – XX ǵasyrlardaǵy Soltústik Qazaqstannyń tarıhy», «SQO mýzeıleri men arhologııalyq eskertkishteri» jáne t.b. elektıvti pánder engizildi.
Oblysta qoǵamdyq sanany jańǵyrtý baǵdarlamasy aıasynda júrgizilip jatqan sharalardyń tıimdiligin arttyrý boıynsha jumystar jalǵasyn taba beretin bolady.
Janar TALASPAEVA,
«Rýhanı jańǵyrý» óńirlik jobalyq keńsesiniń jetekshisi
Soltústik Qazaqstan oblysy
