– «Rýhanı jańǵyrý» baǵdarlamasy aıasynda jasalyp jatqan jumystar óte kóp. Bir ǵana «Atameken» baǵdarlamasynyń alǵashqy «Áleýmettik bastamalar kartasy» baǵyty boıynsha reestrge engen 118 is-sharanyń ótken jyly 59-y júzege asyryldy, qalǵan 59 shara bıylǵa mejelengen. Baǵdarlamany iske asyrý barysynda 50 orta mektep sporttyq jabdyqtarmen qamtylyp, oblystaǵy emhanalarǵa dárigerlik quraldar alynyp berildi. Aqtaý qalasy turǵyndaryna sport alańdary tartý etilip, jas mamandar úshin 500 oryndyq jataqhana paıdalanýǵa berildi. Memleket, kommersııalyq emes sektor jáne bıznes áriptestigi boıynsha ózara árekettestik alańyn qurý maqsatynda «Asar» forýmy ótkizilip, eki kezeńde jınalǵan 55 mln teńgege 6300 otbasyna – aýyr dertti sábılerge, qarttar úıine, jalǵyz basty analarǵa, balalar úıiniń tárbıelenýshilerine kómek kórsetildi. «Týǵan jerge taǵzym» aksııasy aıasynda túlekter qoldaýymen Beıneý aýdanynyń Turysh aýylynda «Demalys baǵy» ashylsa, aýdan ortalyǵynda «Jubaılar baǵy», Boranqul aýylynda sport alańy, Mańǵystaý aýdanynyń Shetpe kentinde sport kesheni, saýyqtyrý-júzý basseıni ashyldy.
«Rýhanı qazyna» ishki baǵdarlamanyń úsh bazalyq baǵyty da aýqymdy isterdi atqara bildi. Kitaphanalar men murajaılar qyzmetin retteý baǵytynda birneshe mańyzdy is-sharalar ótip, murajaı qoryndaǵy jádigerlerdi nasıhattaý jumystary júrgizildi. Qazirgi tańda «Murajaı qundylyqtarynyń qozǵalysy men esebiniń avtomattandyrylǵan júıesi» baǵdarlamasyn alý men qondyrý, elektrondy sensorlyq kıoskiler alý jáne ornatý jumystary júrýde. Otpan taýda Amal merekesi, aqyndar S.Adaı, S.Nurjan, E.Raýshanovtyń shyǵarmashylyq keshteri, respýblıkalyq jyrshylar baıqaýy, halyqaralyq teatr festıvali, taǵy basqa kóptegen sharalar uıymdastyryldy, – deıdi «Rýhanı jańǵyrý» óńirlik jobalyq ofısiniń basshysy G.Azan.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
