Solardyń eń bastylary Býrabaı, Qorǵaljyn jáne Zerendi aýdandarynda shoǵyrlanǵandyǵyn aıta ketken jón. Kókshe jeri tabıǵaty sulý óńir ǵana emes, sonymen qatar rýhanı qundylyqtarǵa da baı ólke sanalady.
Oblystyq ishki saıasat basqarmasynyń mamany, «Rýhanı jańǵyrý» baǵdarlamasynyń О́JO bas menedjeri Ásem Ázirbaevanyń málimetine qaraǵanda, «Rýhanı jańǵyrý» baǵdarlamasynyń «Tárbıe jáne bilim» kishi baǵdarlamasy boıynsha 24 shaǵyn joba jáne «Rýhanı qazyna» boıynsha 79 joba iske asýda. Budan basqa, ulttyq dástúrler men qundylyqtardy, ishki týrızmdi damytý jónindegi is-sharalar, sondaı-aq «Atameken» kishi baǵdarlamasy boıynsha 4 joba qarastyrylǵan. Reti kelgende «Qazaqstannyń 100 qasıetti orny» respýblıkalyq tizimine Aqmola oblysy boıynsha 10 nysan engendigin aıta ketý kerek. Bul rette oblystyq mádenıet basqarmasynyń basshysy Sáýle Bóribaeva Ereımentaý aýdany aýmaǵyndaǵy Qumaı biregeı arheologııalyq jáne etnografııalyq keshenin erekshe atap ketti. О́ıtkeni munda qola dáýiri, erte temir dáýiri sııaqty damýdyń kezeńderi saqtalǵan. Solardyń ishindegi eń mańyzdysy, ol I-VI ǵasyrlarǵa deıingi Batys túrik qaǵanaty kezeńiniń tas músinderi sanalady. Sondaı-aq óńirimizde «Atameken» kishi baǵdarlamasy sheńberinde 2017 jyly 4,8 mıllıard teńge somasynda birneshe mádenı, tarıhı jáne áleýmettik nysandardy qaıta qurý jáne salý baǵytynda 57 joba qolǵa alynyp, júzege asyryldy.
Asqar Turapbaıuly,
«Egemen Qazaqstan»
Aqmola oblysy
