Jergilikti ózin ózi basqarý qadamdary qandaı?

Osy is boıynsha qabyldanǵan «Qazaqstan Respýblıkasyndaǵy jergilikti memlekettik basqarý men ózin ózi basqarý týraly» Zańǵa sáıkes aýdandyq más­lı­hat­tar (oblystyq baǵy­nys­ta­ǵy qala) jergilikti jına­lys­qa saılanǵan qaty­sýshylardy jer­gilikti qaýym­dastyq jına­ly­synyń reglamenti boıynsha 4 jyl merzimge bekitetin bol­ǵan. Osyǵan baılanysty biz Pre­mer-Mınıstr Baqytjan Saǵyn­ta­evtyń atyna depýtattyq saýal jol­dap, tómendegi suraqtarǵa jaý­ap berýin ótingen edik:

1. Oblystar boıynsha jer­gilikti ózin ózi basqarý qaý­­ym­dastyqtaryn damytý boı­yn­sha qandaı baǵdarlamalyq qu­jattar qabyldandy?

2. Búgingi tańda aımaqtar boı­yn­sha 2 myńnan artyq tur­ǵyny bar qansha ákimshilik-aý­maq­tyq birlik bar? Jergilikti qaý­ymdastyqtar jınalysynyń reg­lamentteri jappaı bekitildi me, olardaǵy qatysýshylarynyń qu­ramy anyqtaldy ma?

3. Jergilikti bıýdjetterdi qaras­tyrǵanda jergilikti qaýym­das­tyqtarmen kelisildi me, olardy aýdandyq máslıhattar bekitti me?

4. Jergilikti qaýymdastyqtyń árqaısysynyń bıýdjetine qansha qara­jat bólindi jáne olardyń qaıda jumsalatyndyǵy josparlandy ma?

5. Jergilikti qaýymdastyqtyń bıýdjetine túsýge tıisti kólik já­ne jer salyqtarynyń jalpy kó­le­mi qandaı boldy?

6. Jergilikti ózin ózi bas­qarýdyń kommýnaldyq menshigine qansha nysan berý josparlanǵan?

7. Jergilikti ózin ózi bas­qa­rý­dyń damýyna ortalyqta jáne jergilikti jerde qandaı mem­lekettik organ jaýapty?

8. Olar óz jumystary jónin­de qandaı merzimde esep berip oty­rady?

Mine, osy suraqtardyń bári­ne jýyrda Úkimetten tolyq jaý­ap aldym. Onda Qazaqstan Res­­­­pýblıkasynyń jer­­gi­lik­ti ózin ózi basqarýdy damy­tý má­­selelerine qatysty baǵ­da­r­­­­­­­lamalyq qujattar, jer­gi­li­k­­­­ti qoǵamdastyqtyń reg­la­me­n­ti, qoǵamdastyqtyń bıýd­je­ti, «je­r­gilikti ózin ózi bas­qa­rý­dyń kom­mýnaldyq men­shi­gine» be­ril­­gen nysandar, ózin ózi bas­qa­rýdy damytýdy uıym­das­ty­ratyn ortalyqtaǵy jáne jergilikti jerlerdegi jaýapty memlekettik organdar, sondaı-aq osy jumystardyń nátıjeleri boıynsha beriletin esepter týraly tolyq aqparat berilip, bizdi qanaǵattandyrdy.

Tóleýbek MUQAShEV,

Senat depýtaty