Atap aıtqanda, «Kazakh Invest» «General Electric», «Al Ahli Holding Group», «Al Nowais Investments», «KAAF Investments», «Loukil Group», «Phoenix Global DMCC», «Royal International Group» kompanııalar tobymen, «Kanoo Group», «Petromal» jáne basqa da asa iri holdıngtermen kelissózder júrgizilip, mańyzdy kelisimderge qol jetkizildi. Sonymen qatar forým aıasynda Birikken Arab Ámirlikteriniń Ekonomıka mınıstrligimen, MUBADALA, DP World, Emaar, Etisalat, Borouge sııaqty iri kompanııalar jáne basqalary múshe bolyp tabylatyn Halyqaralyq ınvestorlar keńesimen, Sharja ámirliginiń Investısııalar jáne damý agenttigimen kelissózder sátti ótti.
AIM plenarlyq sessııasynda «Kazakh Invest» ulttyq kompanııasynyń basqarma tóraǵasy Saparbek Tuıaqbaev elimizdiń ınvestısııalyq múmkindikterin, Qazaqstan ekonomıkasyna ınvestısııa tartý salasyndaǵy ındýstrııalyq-ınnovasııalyq qyzmetke memleket tarapynan jasalyp otyrǵan qoldaýlardy tanystyrdy.
Kelissózderdiń nátıjesinde ınvestısııa tartý salasyndaǵy ekijaqty ózara qarym-qatynasty damytý úshin AIM alańynda «Kazakh Invest» pen «Annual Investment Meeting» arasynda Yntymaqtastyq týraly kelisimge qol qoıyldy. Alqaly jıyn barysynda transulttyq kompanııalar Qazaqstan ekonomıkasynyń basym salalaryndaǵy birqatar ınvestısııalyq jobalarǵa qyzyǵýshylyq tanytty.
Aldaǵy ýaqytta «Kazakh Invest» BAÁ men Qazaqstannyń bıznes qaýymdastyqtarynyń ınvestısııa tartý, ınvestısııalyq jobalardy qostaý jáne iske asyrý máseleleri boıynsha ekijaqty qarym-qatynastardy úılestirýdi josparlap otyr.
Annual Investment Meeting álemdegi halyqaralyq ınvestısııalyq qaýymdastyqtyń dıalog alańy retindegi eń tanymal ınvestısııalyq konferensııa ekenin atap ótken jón.
Arnur ASQAR,
«Egemen Qazaqstan»
