Eńbegi eleýli Qasymbek Medıev

Tulǵalarǵa laıyqty qurmet kórsetý – qoǵamnyń paryzy. Osyn­daı tulǵalardyń biri – Qasymbek Medıuly Medıev. 

Men Ulytaý óńiriniń týmasymyn. Ákem de, anam da Qaraǵandy memlekettik pedagogıkalyq ınstıtýtyn bitirgen ustazdar. Ákem soǵys jáne eńbek ardageri, 40 jyl sanaly ómirin urpaq tárbıesine arnady. Anam 1955 jyly aýdandyq partııa komıtetiniń joldamasymen jańadan ashylyp jatqan Mıbulaq aýylyna qarasty №20 Aqkeńse segizjyldyq mektebine dırektor bolyp taǵaıyndalady. Sol jerde týyp-ósip, 1982 jyly Jezqazǵan pedagogıkalyq ınstıtýtyn bitirip, eńbek jolyn ózim bitirgen №9 Mıbulaq orta mektepte bastadym. О́zime sabaq bergen us­tazdarymmen birge jumys jasadym. 1986 jyly mektep dırek­to­ry­nyń tárbıe isi jónindegi oryn­ba­­sary bolyp júrgenmin. Osy jyl­dyń qańtar aıynda jańadan saı­lanǵan Jezdi aýdandyq partııa komıtetiniń birinshi hatshysy Qasymbek Medıuly jumys sa­pa­rymen bilim mekemesiniń ma­te­­rıaldyq-tehnıkalyq bazasymen, oqý-tárbıe jumystarynyń jaǵ­daıymen tanysty. Mektep ja­nyndaǵy ınternatty aralap shopandardyń balalarynyń ty­nys-tirshiligimen tanysty. Abzal aǵa­men tanystyǵymyz osylaı bas­taldy.

1986 jyldyń naýryz aıynda Jezdi aýdandyq komsomol komıtetine hatshy bolyp saıland­ym. Sodan beri 32 jyl ýaqyt ótip­ti. Osy merzimde aýdandyq par­tııa komıtetiniń hatshylary: qoǵam qaıratkeri Muhanbet Kó­peev, Maıra Serkebaeva, marqum Aman­jol Kenjebaev eńbek etti. Ol kezde Jezdi aýdandyq komsomol komıtetin qazirgi Parlament Se­natynyń depýtaty, isker basshy, bilgir uıymdastyrýshy Rys­qa­lı Qalıakbaruly Ábdikerov bas­­qardy. Osyndaı azamattarmen bir­g­e eldi kórkeıtý jolynda qoıan-qoltyq jumys istedik. 

Aýdandyq komsomol komı­te­tiniń jastar arasyndaǵy ju­mys­tary oblys kóleminde al­dyń­ǵy qatarda boldy. Týrasyn aıtqanda, komsomol ómir jáne tárbıe mektebine aı­naldy. Bo­lashaq el tutqasyn us­taǵan azamattar osy uıymnyń arqasynda shyńdaldy. Sol kezde oblys, qala, aýdan kóleminde kom­somol komıtetterinde qatar eń­­bek etken qyz-jigitter: Erlan Qo­­shanov, Serik Shaıdarov, Qanat Bal­maǵanbetov, Jaǵypar Babataev, Dáý­ir Orazbekov, Saltanat Abeý­o­va, Alma Quljanbekova, Perýza Aba­eva, t.b. qazirgi kezde ár salada je­mis­ti eńbek etip júr. 

Jezdi aýdany – aýyl sharýa­shy­lyǵy jan-jaqty damyǵan iri aýdan­dardyń biri. Aýdanǵa kelgen kúnnen bastap Qasymbek Medıuly ózi­niń iskerligin uıymdastyrý qabi­le­tiniń joǵary ekendigin tany­ta bildi. Mańaıyna tek isker, jumys isteıtin kadrlardy jınady. Ýaqytpen qatar júrý, zaman ta­­lap­taryna saı bolý, jumysqa bar bi­limin, tájirıbe men janyn salý qyz­met atqarý kezeńi barysynda aıqyn kórindi.

Aýdan ekonomıkasy men máde­nı­etiniń, halyqtyń áleýmettik-tur­mys­tyq jaǵdaıynyń jaqsarýyna, aýyl ómiriniń gúldenýine qolynan kel­­gen kómegin aıaǵan joq. Eldi ­me­kenderdi sáýlettendirýge erekshe kóńil bóldi. Aýdan ortalyǵy adam tanymastaı bolyp ózgerdi. Kó­she­ler men úıler tártipke keltirildi, kó­she­ler asfalttalyp, qyzyl-ja­syl­dy shamdar ornatyldy. Aý­dan joǵary voltti elektr ener­gııasyna qosylyp, teledıdar mu­na­rasy ornatyldy, jańadan úı­ler salyndy. Baıqońyr, Pıoner, Qa­raqum sovhozaralyq tas joldar paı­dalanýǵa berildi. Balalarǵa ar­nal­ǵan «Ertegiler qalashyǵy» boı túzedi. Tikeleı basshylyǵymen aýdan ortalyǵynda Uly Otan so­ǵysynda qaza tapqan jaýynger­ler­ge eskertkish ornatylyp, «Dańq» alleıasy ashyldy. Aýdan, qa­la­lyq birinshi hatshylardyń tá­jirıbe almasý oblystyq semınar­la­ry, Re­seıdiń Qazaqstandaǵy on­kún­di­gine arnalǵan festıvalder ótkizildi. Qasekeń basqarǵan jyl­dary oblys, res­pýblıka boıynsha kórsetkishi eń joǵary aýyl sharýashylyǵy, onyń ishinde mal sharýashylyǵy da­myǵan aýdandardyń birine aınalyp, ár saýlyqtan júz qozy alyndy. Aýyspaly Qyzyl Týdy únemi je­ńip alyp otyrdy. 

Jezdi aýdanyn basqarǵan kezeń Qasymbek Medıulynyń shyrqaý shaǵy boldy. Sonyń aıǵaǵy Keńes Odaǵynda Máskeýde ótken HIH partııa konferensııasyna Jezqazǵan oblysynan eki delegat saılansa, sonyń biri – Qasymbek Medıev. Bul aýdannyń ekonomıkalyq ósýine, mádenı damýyna berilgen úlken ba­ǵa edi. Keıin Q.Medıev Jezqazǵan ob­lystyq partııa komıtetine ekinshi hat­shy, Qazaqstannyń Joǵarǵy Ke­ńesine eki márte depýtat bolyp saı­landy. Zeınetkerlikke shyq­qan­ǵa deıin Qaraǵandy oblystyq máslıhatynyń hatshysy qyzmetin atqardy. 

Q.Medıulynyń aýdanda atqar­ǵan jumysyn aıtý paryzym dep bile­min. Ol kisiden úırengenimiz kóp. Júreginiń tazalyǵy men jas­tar­ǵa degen rııasyz qamqor peıili men úshin ómirlik ónege bolyp qal­dy. Búkil ómir, eńbek joly osy óńir­lerdiń órkendeýimen tyǵyz baı­lanysty. Shet aýdanynyń aýdan már­te­besin saqtap qalýy da Q.Me­dı­ulynyń eńbegi der edim. Osyndaı hal­qy úshin qaltqysyz qyzmet et­ken azamattarǵa qandaı qurmet kór­setsek te jarasady emes pe! 

Nurhan JOLAShAR
Jezqazǵan qalasy