Aımaqtar • 26 Sáýir, 2018

Dınara Sádýaqasova shahmattan sheberlik sabaǵyn ótkizdi

581 ret

kórsetildi

1 mın

oqý úshin

Shahmattan álemniń tórt dúrkin chempıony Dınara Sádýaqasova atyraýlyq balalarǵa sheberlik sabaǵyn ótkizdi. Azııanyń eń úzdik shahmatshysy aldymen Mahambet aýdanyndaǵy mektep oqýshylarymen kezdesti. Elimizdiń ár aımaǵyna baryp, shahmat oıynynyń qyr-syryn jas jetkinshekterge uǵyndyrýdy maqsat etken grossmeıster tabys formýlasy erinbeı eńbektenýde ekenin atap ótti.

Egemen Qazaqstan

Dınara Sádýaqasova shahmattan sheberlik sabaǵyn ótkizdi

Mahambet aýdany ákiminiń orynbasary Ulyqbek Tinálıev «Dınara júrgizgen shahmattan bir ýaqyttaǵy oıyn seansyna balalar erekshe ynta-yqylaspen qatysty», deıdi. Aýdandaǵy 13 mektepte sport klýby bar. Onda oqýshylar sporttyń 11 túri boıynsha jattyǵady. Shahmat seksııasyna qatysýshylar sany bıyl 50-den asqan. Buqaralyq sportty damytýǵa aıryqsha kóńil bólingen aýdanda jaqsy jetistikterimen qýantyp júrgen balalar da kóp.

Qazaqstanda tuńǵysh ret shahmat oınap úırený jaıly oqý quralyn óz qarajatyna shyǵaryp, mektepter men balalar ortalyqtaryna taratqan Dınara Atyraý qalasyndaǵy «Baızar» saýda ortalyǵynda da balalarmen kezdesti.

– Qazaq eliniń bolashaǵy zerdeli jastardyń qolynda. IýNISEF-tiń Qazaqstandaǵy Ulttyq izgi nıet elshisi retinde jas urpaqty jaqsylyqqa tárbıeleýge úlesimdi qosýǵa tyrysamyn. Atyraý oblysyndaǵy kezekti shara aqyl-oı sportyn nasıhattaýǵa arnaldy, bilgenimmen bólisý basty maqsatym, – deıdi álemge áıgili shahmatshy Dınara Sádýaqasova.

Baqytgúl BABASh,

«Egemen Qazaqstan»

ATYRAÝ