Sport • 26 Sáýir, 2018

«Arlan» komandasy Kókshetaý qalasynda óz jankúıerlerimen kezdesý ótkizdi

416 ret

kórsetildi

1 mın

oqý úshin

Shaıbaly hokkeıden Qazaqstan chempıonatynda top jarǵan Aqmola oblysynyń «Arlan» komandasy demalys kúnderi Kókshetaý qalasynda óz jankúıerlerimen kezdesý ótkizdi. Kezdesýge kelgen eki júzge tarta adam óz kókeılerinde júrgen suraqtaryn qoıdy.

Egemen Qazaqstan

«Arlan» komandasy Kókshetaý qalasynda óz jankúıerlerimen kezdesý ótkizdi

Onyń da jóni bar. О́ıtkeni qurylǵanyna toǵyz jyl ýaqyt ishinde ádemi oıyn órnegin kórsetip kele jatqan komandalary áli birde-bir ret el chempıony atanbapty. Tek bıyl ǵana komandanyń baǵy janyp, birinshilikte alǵa ozdy. Atalǵan klýb dırektory Igor Gorkovtyń aıtýynsha, jankúıerlermen osylaısha kezdesýler ótkizip turý qajet.

«Oıyndarda bizge qoldaý kórsetip kele jatqan jankúıerlermen baılanys ornatýymyz jáne ózara túsinistik tabýymyz kerek. Mundaı kezdesýler komanda ómiriniń bólinbes bir bólshegi bolyp tabylady», dedi klýb dırektory. Oraıy kelgende ol osyǵan deıin komanda eki márte qola, úsh ret kúmis jáne endi bıyl ǵana erler arasynda 2017-2018 jylǵy maýsymdaǵy shaıbaly hokkeıden Qazaqstan chempıonatynda altyn medal taqqandaryn erekshe maqtanyshpen aıtty. Jankúıerler ózderine osyndaı jaqsy kóńil kúı syılaǵan sportshylaryna rızashylyqtaryn bildirip, estelik sýretke túsip, qoltańba da alyp jatty.

Asqar TURAPBAIULY,

«Egemen Qazaqstan»

Aqmola oblysy