Qazaqstan • 26 Sáýir, 2018

Jelaıaq Marat Jylanbaevtyń qatysýymen eki kúndik ýltra-marafon uıymdastyrylady

366 ret

kórsetildi

1 mın

oqý úshin

BUU-nyń Damý baǵdarlamasy Qazaqstan Respýblıkasy Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıtetimen birlese otyryp, áıgili jelaıaq Marat Jylanbaevtyń qatysýymen eki kúndik ýltra-marafon uıymdastyrýdy kózdep otyr.

Egemen Qazaqstan

Jelaıaq Marat Jylanbaevtyń qatysýymen eki kúndik ýltra-marafon uıymdastyrylady

Marafon 27 sáýirde saǵat 06:00-de Almaty oblysy, Balqash aýdanynyń Baqanas aýylynda (Almatydan 170 shaqyrymdyq qashyqtyqta ornalasqan) bastalyp, 28 sáýirde saǵat 18:00-de Qaraoı eldi mekeninde (Almatydan 370 shaqyrymdyq qashyqtyqta ornalasqan) márege jetedi. «Ile-Balqash» memlekettik tabıǵı rezervatynyń qurylýyna oraı uıymdastyrylyp otyrǵan atalmysh sharanyń basty maqsaty – Qazaqstandaǵy bıoalýantúrliliktiń saqtalýy mańyzdylyǵy máselesine qoǵam nazaryn aýdarý.

Marafonǵa qatysýshy Marat Jylanbaev jaıynda aıtsaq, jýyrda ǵana 55 jasqa tolǵan (19 sáýirde) bul azamattyń esimi álemge áıgili. Azııa, Afrıka, Amerıka jáne Aýstralııa qurlyǵyndaǵy eń iri shólderdiń barlyǵyn júgirip ótken jer betindegi jalǵyz adam. Onyń kórsetkishteri Gıness rekordtar kitabyna birneshe márte engen.

Ǵalym SÚLEIMEN,

«Egemen Qazaqstan»

ALMATY