Is-sharaǵa Qazaqstannyń Fransııadaǵy Tótenshe jáne ókiletti elshisi Jan Ǵalıev, Halyqaralyq túrki akademııasynyń tóraǵasy Darhan Qydyráli, Nojan-sıýr-Marn (fr. Nogent-sur-Marne) qalasynyń meri Jan Jak Pol Martan jáne 16 elden kelgen ǵalymdar qatysty.
Jıynda elshi J.Ǵalıev Parıj shaharynyń merine eki el arasyndaǵy qarym-qatynasty nyǵaıtýǵa qosqan úlesi úshin «Qazaqstan dıplomatııasyna 25 jyl» medalin taqty.
Sondaı-aq Halyqaralyq túrki akademııasy atynan arnaıy syılyq tabystaldy. Pol Martannyń aıtýynsha, bul – oǵan kórsetilgen zor qurmet.
«Búgin Mustafa Shoqaıdyń Parıjdegi eskertkishine gúl shoqtaryn qoıý úshin jınaldyq. Osyndaı irgeli sharaǵa qatysý men úshin úlken qurmet. M.Shoqaı Fransııada ýaqytynyń biraz bóligin ótkizdi. Sondyqtan oǵan eskertkish qoıý bizge abyroı bolatyn. Bul – biz úshin Qazaqstannyń Parıjdegi kishigirim bóligi. Osyndaı eskertkish ornatýǵa atsalysqany úshin Qazaqstan elshiligine alǵys aıtamyn. Fransııa men Qazaqstan arasyndaǵy qarym-qatynastyń budan ári nyǵaıa túsetinine senimim mol», dedi qala meri.
Aıta ketý kerek, túrki jazýynyń oqylýyna 125 jyl tolýyna jáne mádenı murany rýxanı jańǵyrýmen ushtastyrý maqsatynda Halyqaralyq Túrki akademııasy 30 sáýir kúni Parıjde, IýNESKO-nyń shtab-páterinde xalyqaralyq forým uıymdastyrmaq.
IýNESKO jáne baýyrlas elderdiń Ulttyq komıssııalarymen birge uıymdastyrǵan sharaǵa 16 memleketten kórnekti ǵalymdar, belgili túrkologtar, qoǵam qaıratkerleri men dıplomattar qatysady.
Túrki tilderiniń ótkeni, búgini jáne bolashaǵy týraly 3 seksııadan turatyn aýqymdy sharada Maǵjannyń 125, Aıtmatovtyń 90 jyldyǵy atap ótiledi.
Sonymen qatar tilderi joıylý qaýpindegi altaı, tyva, xakas, saxa, sary uıǵyr, qashqaı, qaraıym, gagaýyz sekildi baýyrlas xalyqtardyń ókilderi óz tilderinde baıandama jasap, basty qundylyqtaryn saqtaý, qorǵaý jáne damytý jóninde naqty usynystar aıtady.
Abaı ASANKELDIULY,
«Egemen Qazaqstan»
Fransııa, Parıj
