«Qazaqstandaǵy ekonomıkalyq belsendilik jaǵymdy serpindi kórsetýdi jalǵastyrýda. Alaıda, ótken aımen salystyrǵanda birqatar báseńdeý baıqalyp otyr. Jalpy ishki ónimniń ósýi 3,8 paıyzdy qurady. Báseńdeý bárinen buryn qurylystaǵy jáne metallýrgııadaǵy baıaýlaýmen negizdeledi. Jalpy alǵanda ekonomıkadaǵy ósý ınflıasııalyq qysymnyń tómendeýimen jáne joǵary ınvestısııalyq belsendilikpen súıemeldenip otyr», - dedi mınıstr.
Onyń dereginshe, ınflıasııa jyldyń basynan beri 2,2 paıyzdy qurady. 2017 jylǵy sáıkes kezeńmen salystyrǵanda 0,5 paıyzdyq tarmaqqa tómen. Jyldyq ınflıasııa 6,5 paıyzdyq deńgeıinde tirkeldi. Inflıasııany jańa aralyqta ustap turý qamtamasyz etilýde.
«2018 jylǵy 1 mamyrǵa eldiń halyqaralyq rezervteri 1,8 paıyzǵa artyp, 90,7 mlrd AQSh dollaryna deıin ulǵaıdy. Altyn valıýta rezervteri 3,4 paıyzǵa ósti. Ulttyq qordyń aktıvteri 0,9 paıyzǵa artty», - dedi Tımýr Súleımenov.
