Is-sharaǵa QHA, Ortalyq saılaý komıssııasynyń músheleri, Din isteri komıtetiniń mamandary, «Dinderdi zertteý ortalyǵy» qaýymdastyǵynyń sarapshylary, otandyq ǵalymdar, Aqmola, Qostanaı, Soltústik Qazaqstan oblystarynyń etnomádenı birlestikter jetekshileri, ishki, jastar saıasaty, tilderdi damytý, din isteri bólimderiniń ókilderi shaqyrylyp, kópshilikti tolǵantqan ózekti máseleler talqylandy.
Basqosýda jobanyń úılestirýshisi, Ortalyq Azııa aımaǵy boıynsha ultaralyq jáne dinaralyq qarym-qatynastardy zertteý ortalyǵynyń jetekshisi, QHA janyndaǵy ǵylymı- saraptamalyq keńestiń tóraıymy, sosıologııa ǵylymdarynyń doktory Aıgúl Sádýaqasova jınalǵandardyń nazaryn birqatar ózekti jaıttarǵa aýdardy. Jalpyulttyq birlik pen biregeılikti qalyptastyrýdyń ádisteri men tásilderin keńinen sóz etti. Birligimizdi, tutastyǵymyzdy nyǵaıtý, qazaqstandyq biregeılikti berik etý jolynda qoǵamdyq sanany jańǵyrtýdyń basty sharttaryna, qoǵamdyq qatynastardaǵy dinniń alatyn róline, jat dinı aǵymdarǵa qarsy keshendi is-qımyldardy durys baǵyttaı bilýdiń, jas býyndy jańa tehnologııalarǵa daıyndaýdyń, ozyq jetistikterdi ıgerýdiń mańyzdylyǵyna toqtaldy.
Oblys ákiminiń orynbasary Madııar Qojahmet óz sózinde Elbasynyń san qyrly saıasatynyń arqasynda Qazaqstan halqy bir shańyraq astyna aýyzbirshilikpen toptasa otyryp el ekonomıkasynyń damýyna zor úles qosyp kele jatqanyn, Prezıdenttiń bes áleýmettik bastamasy barlyq sanattaǵy adamdardyń bolashaǵyna jarqyn jol ashatynyn, el birligi qazaqstandyqtardyń basty ustanymy bolyp qala beretinin jetkizdi.
Qazaqstan halqy Assambleıasy Tóraǵasynyń orynbasary – Hatshylyq meńgerýshisi Leonıd Prokopenko óz oıyn Memleket basshysy alǵa qoıǵan talap-mindetterden bastap, odan ári Elbasynyń qatysýymen ótken QHA-nyń HHVI sessııasy taqyrybyna oıysty. Ol sessııada segiz mindet júktelgenin, qaı-qaısysy bolsyn úlken jaýapkershilik pen belsendi is-qımyldy talap etetin, osyǵan oraı memlekettik deńgeıde naqty is-sharalar qabyldanǵanyn, onyń ishinde qoǵamdy ortaq maqsatqa toptastyratyn qundylyqtarǵa erekshe basymdyq berilgenin aıtty.
О́mir ESQALI,
«Egemen Qazaqstan»
Soltústik Qazaqstan oblysy
