Aımaq basshysynyń aıtýynsha, ótken jyly Qostanaı oblysynda «Rýhanı jańǵyrý» baǵdarlamasy aıasynda júzege asyrylýy tıis 24 shaǵyn joba, barlyǵy 339 is-sharaǵa jalpy kólemi 2723,686 mln teńge jumsalǵan. Bıylǵy jyly baǵdarlama aıasynda óńirde jalpy quny 4586,5 mln teńgeni quraıtyn 85 joba, 46 shaǵyn joba, barlyǵy 801 is-shara iske asyrylýda.
– Oblysta 100-den asa mektepte mýzeı ashylyp, 87 izdeý otrıady quryldy. Jyl aıaǵyna deıin ólketaný baǵytynda qosymsha 14 mektep mýzeıi ashylady. Osy baǵytta Qostanaı oblysyna tanymal tulǵalar týraly málimetter men eksponattar jınastyrylýda. Olardyń denin tanymal tulǵalardyń urpaqtary, týys-týǵandary ákelýde, – dedi Arhımed Muhambetov.
Baspasóz máslıhatynda aıtylǵandaı, 172 mln teńgeden astam jeke ınvestısııalardyń esebinen balalarǵa arnalǵan tehnoparkter men bıznes-ınkýbatorlar jelisin qurý úshin oblystyń barlyq aımaqtarynda 21 sıfrly tehnologııalar kabıneti ashylypty. Sonymen qatar búgingi tańda Qostanaı oblysynda «Mamandandyrylǵan aqparattyq tehnologııalar mektep-lıseı-ınternaty» jobasyn iske asyrý bastalǵan. Oǵan oblystyq bıýdjetten 178 mln teńgeden astam qarajat bólindi.
– О́tken jyly mesenattardyń kómegimen Keıki batyr kesenesi men Tarhan Shaqshaq Jánibek eskertkishi turǵyzylyp, bıýdjet qarajaty esebinen Ybyraı Altynsarın kesenesi qaıta jańǵyrtyldy. Jalpy, elimizdegi kıeli oryndar tizimine Qostanaı oblysynan 29 nysan engizilgen, sonyń ishinde 10 jalpyulttyq jáne 19 jergilikti nysan bar. Bıylǵy jyly qasıetti nysandardy jóndeý, qaıta jańǵyrtý jáne aýmaqtaryn abattandyrýǵa 88,5 mln teńge qarajat jumsalady. Jóndeý jumystary Sarykól aýdanyndaǵy Baraq batyr kesenesi men Uzynkól aýdanyndaǵy Svıatonıkolskaıa shirkeýine de júrgiziletin bolady,– dedi ákim.
Búgingi tańda oblysta «Kórkeıe ber, Qostanaı!» aksııasy keń qanat jaıyp keledi. Sonyń arqasynda ótken jyly 2 mlrd 674 teńgeniń 135 áleýmettik jobasy iske asyryldy. Jergilikti kásipkerler baǵdarlamanyń «Atameken» jobasyna erekshe qoldaý tanytqanyn aıryqsha atap ótken jón. Bıznes qurylymdardyń atsalysýymen 101 bilim berý, densaýlyq saqtaý, mádenıet pen sport mekemeleri jóndelip, 61 áleýmettik nysannyń materıaldyq-tehnıkalyq bazasy jańartylǵan, 18 balalar jáne sport alańdary ornatylǵan.
Oblys ákimi baıandamasynda «Atameken» jobasy boıynsha 2018 jyly 4 mlrd 165 mln teńgeniń taǵy 140 áleýmettik jobasy iske qosylatynyn málimdedi. Buǵan qosa 1000 orynǵa arnalǵan Ulttyq mádenı ortalyq salynady, Sosıalıstik Eńbek Eri Kámshat Dónenbaevanyń qurmetine saıabaq ashylyp, eskertkish músini ornatylady jáne Qazaq halqyna alǵys monýmenti boı kóteredi.
Sóz sońynda A.Muhambetov aımaqtyń basty baılyǵy onyń el taǵdyryna jaýapty azamattary ekenin atap ótti.
Arnur ASQAR,
«Egemen Qazaqstan»
