Atalǵan is-sharaǵa Pavlodar oblysy ákiminiń orynbasary Álııa Arynova, «Nur Otan» partııasy Pavlodar oblystyq fılıaly tóraǵasynyń birinshi orynbasary Ilıa Terenchenko, InEÝ rektory Marat Baıandın men Aımaqtyq kásipkerler palatasy dırektorynyń orynbasary Mádı Syzdyqov qatysty.
Bul búkil Qazaqstan boıynsha ashylýy josparlanyp otyrǵan 20 IT-ortalyqtyń alǵashqysy. Ortalyqta jumyssyzdar men jastardyń ózin-ózi jumyspen qamtýshy jastar irikteý synaǵynan ótedi. Ony sátti tapsyrǵan jaǵdaıda tyńdaýshy oqýdy bastaıdy. Qazirdiń ózinde 44-ten astam ótinish berdi. «Nur Otan» bul jobany «Atameken» UKP birigip iske asyryp otyr.
О́z sózinde Ilıa Terenchenko atap ótkendeı, uıymdastyrýshylar úshin eń mańyzdysy – eńbek naryǵynda olar ári qaraı suranysqa ıe bolatyndaı bilikti mamandardy daıyndaý. - Partııalyq jumysty ári qaraı jańartý maqsatynda partııa basshylyǵy 22 jańa jobany qolǵa alǵany belgili. Pavlodar oblysynda jańa partııalyq jobany iske qosý boıynsha jumystar bastaldy. Sonyń ishinde, aımaqta pılottyq rejımde 3 jańa partııalyq joba iske asyrylady. Solardyń biri – «IT-mamandardy daıyndaý» jobasy, - I. Terenchenko. InEÝ oqytýshysy Elena Malyshevanyń aıtýynsha, tyńdarmandardy úlken jumys kútip tur
. – Oqytý baǵdarlamasynyń kólemi óte úlken. Oqytýdaǵy 200 saǵat boıy jastar teorııany da, praktıkany da meńgeretin bolady. Biz oqytý aıaqtalǵan kezde tyńdaýshylar Android qosymshasyn ózdigin ázirleý men ony Play Market-ke salatyn deńgeıge jetedi dep úmittenemiz, - deıdi oqytýshy.
Joba qatysýshysy Altynaı Temirjanova bul IT-ortalyq jastardyń aldyna úlken múmkindik usynyp otyr deıdi. Ol partııalyq joba týraly áleýmettik jelilerden bilgen. «Qashyr aýdanyn sıfrlyq bilim alýǵa arnaıy keldim. Bolashaqta týǵan aýdanym men Qazaqstannyń IT-tehnologııasyn damytýǵa úles qosqym keledi», - dep aǵynan jaryldy Altynaı.
Jobanyń maqsaty – azamattardyń sıfrlyq saýattylyǵyn arttyrý men bilikti IT-mamandar ortaqtastyǵyn daıyndaý. Jobany iske asyrý aıasynda jumyssyz jáne ózin-ózi jumyspen qamtyǵan jastardy qosqanda, búkil memleket boıynsha 100 myń adamdy, jyl saıyn búkil aımaqty tolyqtaı qamtı otyryp 35 myń adamdy oqytý josparlanyp otyr. Jastar suranysqa ıe sıfrlyq mashyqtar men zamanaýı baǵdarlamalaý tilderin oqıtyn bolady.
