Ulttyq mýzeıde «Kóne kitap – rýhanı jańǵyrýdyń jarqyn joly» kóshpeli kórmesi ótip jatyr

Mazmuny qasıetti Ramazan aıy­men sáıkestendirilgen kór­me­ge Túrkistanda alǵash ıslam dini­niń negizin qalaýshylar Is­qaq bab, Abd ál-Jalıl babtyń din­di taratýy jaıly nasabnamalar, Ahmet Iаsaýıdiń shejiresi jazyl­ǵan nasabnama, Ahmet Iаsaýı­diń móri, Dıýanı hıkmet, qol­jaz­ba­lar, du­ǵa kitaptar, paıǵam­bar­lar ómiri jazylǵan kóne kitap­tar, fıh má­seleleri, t.b jádigerler qoıyldy.

Kórmeniń ashylý rásiminde Ulttyq mýzeıdiń Aqparattyq-ımıdjdik qyzmetiniń jetekshisi Dáýletkereı Qusaıynov: «...HVI ǵasyrda ómir súrgen jazý­shy, satırık, pedagog Erazm Rot­ter­damskıı: «Men úshin jer­uıyq – kitaphanam qaıda bolsa, sol jerde» depti. Ulttyq mýzeıde turǵan Kúltegin eskertkishi de dana halqymyzdyń sóz marjandary, maqal-mátelderi, tarıhy, danalyǵy jazylǵan kitaptyń alǵashqy nusqasy bolmaq. Kitap­ty ulyqtaıtyn bul mereke ata-babamyzdyń erte zamannan beri jıǵan asyl, dana sózderine taǵ­zym etý bolyp tabylady», dep óz pikirin bildirdi.

Kórmeni uıymdastyrýdaǵy maqsat mýzeı qorynda saqtalǵan kóne kitaptardy, qoljazbalar men nasabnamalardy, halqymyzdyń san ǵasyrlyq rýhanı baılyǵyn bolashaq urpaqqa udaıy nasıhattap, múltiksiz jetkizip otyrý bolyp tabylady.

Ońtústik Qazaqstan oblysy Tarıhı-mádenı etnografııalyq ortalyǵynyń dırektory Gúl­janat Dúısenbaeva: «Halyq­ara­lyq mýzeı kúnine oraı uıymdastyrylǵan bul shara Ult­tyq mýzeı men bizdiń orta­lyqtyń arasyndaǵy shynaı­y áriptestik qarym-qatynasymyzdyń jar­qyn kórinisi dep esepteımiz. Túr­kistan qalasynan Astanaǵa Iаsaýı babamyzdyń shejireleri, hıkmetteri, mórin alyp keldik. Ata-babalarymyzdan qalǵan qasıetti murany óskeleń ur­paqqa amanat etip, qaz-qalpynda jetkize bilsek, oılaǵan isimizdiń júzege asqany. Sondyqtan da kózdiń qara­shyǵyndaı saqtap kele jatqan babamyzdyń qundy ki­taptaryn Astana jurt­shy­lyǵynyń nazaryna usynyp otyr­myz», dedi.

Qarshyǵa KÚLEN