Fleshmob oblystyq Dram teatr alańynda ótti. Is-shara salaýatty ómir saltyn nasıhattaýǵa jáne dene shynyqtyrý men sportty damytýǵa baǵyttalǵan.
Tańǵy jattyǵýǵa 2000-nan astam qala turǵyny qatysty. Keń kólemdegi «Seniń jańa qyryń» sporttyq sharasy Qazaqstan Respýblıkasynyń mádenıet jáne sport mınıstrliginiń qoldaýymen, Atyraý oblysynda ótkizilip otyrǵan alǵashqy respýblıkalyq fleshmob.
Uıymdastyrýshylardyń josparyna sáıkes, bir ýaqytta respýblıka boıynsha tańǵy jattyǵý gımnastıkasy ótkizildi. Aýqymdy shara Aqtaý, Ońtústik Qazaqstan, Shymkent, Petropavl jáne О́skemen qalalarynan arnaıy Astana qalasyna tikeleı telekópir arqyly kórsetildi.
- Búgingi tańǵy jattyǵý gımnastıkasyna Atyraý jurtshylyǵy úlken at salysyp, qatysyp jatyr. Osy sharanyń basty maqsaty aımaqtaǵy buqaralyq sportty damytý men salaýatty ómir saltyn ustaný. О́ńirimizde turǵyndardyń 27.5 paıyzy buqaralyq sportpen shuǵyldanady,-deıdi Atyraý oblystyq dene shynyqtyrk jəne sport basqarmasynyń basshysy Azamat Beket.
Esterińizge sala keteıik, Memleket basshysy Nursultan Nazarbaev «Seniń jańa qyryń» atty aýqymdy aksııany bastady. Onda prezıdent qazaqstandyqtardy sportpen shuǵyldanýǵa shaqyryp, árqaısysyna mysal kórsetken bolatyn.
