Bıyl aımaqta «Sıfrly Qazaqstan» baǵdarlamasy aıasynda «Elektrondy eńbek bırjasy» iske qosylyp, jyl basynan beri 4 myńǵa jýyq azamat Eńbek bırjasyna tirkeldi. Jumysty jeńildetip, jan-jaqtylyqqa bastaıtyn baǵdarlamany júzege asyrý barysynda «Eńbek naryǵy» avtomattandyrylǵan aqparattyq júıesi iske qosyldy. Bul aqparattyq júıe jumys izdeýshilerdi jáne jumyssyz retinde tirkeýdi, jumyspen qamtýdyń belsendi sharalarymen qamtylǵandarǵa joldama berý jáne monıtorıngileýdi, jumyspen qamtý salasyndaǵy eseptilikti qamtamasyz etýdi júzege asyrady. Jumyspen qamtý ortalyqtaryna jyl basynan beri 11 978 adam júgingen, ıaǵnı osy júıege tirkelgen.
Áleýmettik-eńbek salasyn sıfrlandyrýda elektrondy eńbek kelisimsharttaryn tirkeý júıesin engizý boldy.
– Bul júıe jalpy eńbek kelisimsharttarynyń qoımasy jáne búkil respýblıka boıynsha jumys isteıtin barlyq eńbek kelisimsharttarynyń elektrondy formatyna kóshýge múmkindik beredi. Bul jumyspen qamtý úderisin jeńildetedi, ıaǵnı qujattardy jınaýdyń qajeti joq. О́z kezeginde jumys berýshi úshin qyzmetkerlerdiń qadrlyq qujattaryn júrgizilýi jeńildetilgen jáne ońtaılandyrylǵan. Eńbek jáne halyqty áleýmettik qorǵaý mınıstrligi osy jobany ázirleýshi retinde aǵymdaǵy jyldyń 1 shildesine deıin Úkimetke usynylatyn zańnamaǵa túzetýler daıyndaý josparlanýda, – deıdi bul týraly Eńbek basqarmasynyń basshysy Shyńǵys Dúısenov.
Qazirgi tańda Mańǵystaý oblysynda 49 453 zeınetker tirkelgen. Jańa standarttar boıynsha zeınetaqy alý úshin azamattar endi «Azamattarǵa arnalaǵan úkimet» memlekettik korporasııasyna ótinish bere alady. Bul arqyly beriletin qujattardyń sanynyń qysqarýyna qol jetkizýge bolady jáne barlyq qajetti aqparat avtomattandyrylǵan bazada usynylatyn bolady. Bul ózgerister zeınetke shyǵatyn azamattardyń 70 paıyzyn qamtıdy. Atalmysh jaǵdaıda ýaqytty únemdeý múmkindigi paıda bolady, naqtyraq aıtsaq, memlekettik qyzmet kórsetý merzimi 10 kúnen 8 kúnge deıin qysqarmaq.
«Sıfrly Qazaqstan» baǵdarlamasy Mańǵystaý oblysynyń bilim salasynda da júıeli qolǵa alynǵan. Jýyrda aımaqtyń úsh mektebinde IT-synyptar ashylǵan bolsa, jańa oqý jylyna deıin taǵy 33 IT-synyp qatarǵa qosylmaq. Al Munaıly aýdanynyń Qyzyltóbe aýylyndaǵy mektepte IT-synyppen birge, IT alań jasaqtalǵan.
– Alańda Qazaqstannyń kartasy, kıiz úı, ulttyq aspaptar, qalqan, kitaptar, ózge de taqyryptar bar. Shtrıh kod arqyly bir taqyrypty tańdaǵanda, ol uıashyqta biraz málimetter shoǵyrlanǵan. Máselen, kitaptar uıashyǵy arqyly qazaqstandyq jáne álemdik klassıkterdiń shyǵarmalary, ulttyq aspaptar uıashyǵy arqyly qazaqtyń, Mańǵystaýdyń óneri men ónerpazdary týraly maǵlumat alýǵa bolady, – deıdi «Nur Otan» partııasy Munaıly aýdandyq fılıaly tóraǵasynyń birinshi orynbasary Muqanjan Kamalov.
Bul sıfrlandyrý salasyndaǵy bastapqy jumystar, aldaǵy ýaqytta osy baǵytta jumystar júıeli júrgizile bermek.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
