Sanıtarlyq dárigerler oblys óńirinen terip alǵan 718 keneni Almatydaǵy Sanıtarlyq-epıdemıologııalyq taldaý jáne monıtorıng ortalyǵynyń ǵylymı-praktıkalyq laboratorııasyna jiberdi. Nátıjesi tańqalarlyq ári qaýipti dese bolady. Oblystyń Áýlıekól, Jitiqara, Qamysty, Qarabalyq aýdandarynan terilgen keneler ýly ekenin kórsetti.
Qoǵamdyq densaýlyq qorǵaý departamentiniń basshysy Oral Bekmaǵambetovtyń aıtýynsha, bul kenelerden ensefalıttiń tabylýy Qostanaı óńirinde kóp jyldardan beri bolmaǵan oqıǵa. Biraq kenelerdi tekserý nátıjesi qyrym bezgegi, týlıaremııa, pasterellez, leptospıroz sııaqty qaýipti juqpaly aýrýlardy kórsetken joq.
Sanıtarlyq dárigerlerdiń málimetinshe, bıyl keneler shabýyly kúnniń sýyqtyǵyna qaramastan jyldaǵy merziminde, ıaǵnı sáýirde bastaldy. Osy ýaqytqa deıin óńirde 179 adamdy kene shaqqan, onyń ishinde 64-i 14 jasqa jetpegen balalar. Biraq aýyr zardaby bolmaǵan. Degenmen, dárigerler kene maýsymy qazan aıyna deıin sozylatyndyqtan, dárigerler turǵyndardy abaı bolýǵa shaqyryp otyr.
Názıra Járimbet
«Egemen Qazaqstan»
Qostanaı
