Otyrys elordadaǵy Táýelsizdik saraıynda ótip jatyr. Shara barysynda «Nur Otan» partııasyn júıeli túrde jańǵyrtý boıynsha jumys barysy talqylanady. Sonymen qatar, Qazaqstan Prezıdentiniń Bes áleýmettik bastamasyn júzege asyrý baǵytynda qoǵamdyq baqylaýdy uıymdastyrý máseleleri qaralmaq. Jıynǵa Parlament depýtattary, Úkimet jáne jergilikti atqarýshy organdardyń músheleri qatysýda.
«Nur Otan» partııasy Saıası keńesiniń otyrysy tek Memleket basshysy-partııa Tóraǵasynyń nemese Saıası bıýronyń shaqyrtýymen jylyna bir ret uıymdastyrylady. 2017 jyly 3 qarashada ótken jıynda Memleket basshysy partııany júıeli túrde jańǵyrtý máselelesin aldyńǵy qatarǵa qoıǵan edi.
ske sala ketsek, ótken jyldyń jeltoqsanynda Saıası keńes bıýrosynyń qaýlysymen partııany jańǵyrtýdyń naqty jospary bekitilgen bolatyn. Onda jeti baǵyt boıynsha sharalardy iske asyrý, atap aıtqanda, partııalyq kadrlarmen jumysty kúsheıtý, jergilikti ókildik organdarynda partııanyń rólin arttyrý, onyń jalpyulttyq kún tártibin qurýda belsendi túrde aralasýyn qamtý, partııalyq tehnologııalardy jetildirý, jastarmen belsendi jumys júrgizý, analıtıkalyq áleýetti ósirý men partııalyq bilim sapasyn arttyrý qarastyrylǵan edi.
