«1 maýsym – Halyqaralyq balalardy qorǵaý kúnine» oraı «Muz aıdyny» sport kesheninde ótkizilgen «Ákem, anam jáne men – sporttyq januıa» atty otbasylyq spartakıadaǵa qala ákimi apparatynyń, ádilet, qazynashylyq, kirister departamentteri men ekonomıka, aýylsharýashylyǵy, bilim basqarmalarynyń memlekettik qyzmetshileriniń otbasylary qatysty.
Jalpy, jyl basynan beri Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysy boıynsha departamentiniń bastamasymen memlekettik qyzmet isteri organdarynyń jáne sybaılas jemqorlyqqa qarsy zańnamanyń 20 jyldyǵyn ulyqtaý aıasynda túrli is-sharalar uıymdastyrylýda. Otbasylyq spartakıada da sol sharalardyń biri.
Otbasylyq jarysty ótkizýdiń basty maqsaty memlekettik qyzmetshiler arasynda salaýatty ómir saltyn qalyptastyrý, «densaýlyq zor baılyq» degen sózdi qoǵamda keńinen nasıhattaý, jemqorlyqqa qarsy kúreste otbasynyń rólin arttyrý.
5 estafetalyq oıyn túrinen qyzyq ta tartysty ótkizilgen sporttyq saıysta bilim basqarmasynan qatysqan Ábdiramanovtar otbasy jeńimpaz atansa, ádilet departamentinen Abdreevter otbasy júldeli ekinshi oryndy jáne ekonomıka jáne bıýdjettik josparlaý basqarmasynan Mýhıtdınovtar otbasy úshinshi oryndy ıelendi.
Jeńiske jetken otbasylar arnaıy kýbokpen, dıplomdarmen jáne syılyqtarmen marapattaldy. Spartakıadaǵa qatysqan barlyq otbasylarǵa alǵys hat tabystalyp, balalarǵa syılyqtar berildi.
