5 maýsymnan bastap QR DSM Kardıologııa jáne ishki aýrýlar ǵylymı-zertteý ınstıtýtynda jáne «RIXOS» qonaq úıinde sheberlik sabaqtary uıymdastyryla bastady. Tórt kún boıy kardıologııalyq jáne terapııalyq qyzmetti uıymdastyrý máseleleri, júrek-qantamyrlary aýrýlaryn jáne terapııalyq aýrýlardy dıgnostıkalaý, emdeý jáne profılaktıka jasaýǵa arnalǵan jańa tásildemeler, sondaı-aq, DDSU-nyń bastapqy medısınalyq-sanıtarlyq kómek (BMSK) jónindegi Alma-Atalyq deklarasııasynyń jetistikteri talqylanady. Búgin Kardıologtar qaýymdastyǵynyń H Kongresi aıasynda alǵashqy baspasóz máslıhaty ótti.
Qalyptasqan dástúrge saı Eýropa kardıologtary qoǵamymen jáne Eýropanyń júrek qyzmeti jetispeýshiligi jónindegi qaýymdastyǵymen birlesken sessııa ótedi. Kongress aıasynda Jibek joly elderiniń Júrek yrǵaǵy qoǵamymen birlesken sessııasy men Eýropa kardıologtary qoǵamynyń Trombozdar jónindegi jumys tobymen birlesken otyrysy ótedi.
Forým jumysyna alys jáne taıaý shetelden ǵalymdar, elimizdiń búkil óńirlerindegi densaýlyq saqtaý júıesiniń basshylary, bas mamandar, kardıologtar, arıtmologtar, ıntervensııalyq kardıologtar jáne kardıohırýrgtar qtatysady. Jas ǵalymdar mektebi ótkizilip, onyń artynsha baıqaý uıymdastyrylady.
Forým sońynda densaýlyq saqtaý júıesindegi basty máselelerdi qamtyp, Qazaqstan Respýblıkasyndaǵy kardıologııalyq qyzmetti jetildirý joldaryn belgileıtin qarar qabyldanady dep josparlanǵan.
Kongress kezinde dári-dármekter, dıagnostıkalyq emdeý jabdyqtary, zamanaýı aqparattyq tehnologııalar jáne mamandandyrylǵan medısınalyq basylymdar kórmesi ótedi.
Aınash ESALI,
«Egemen Qazaqstan»
ALMATY
