«Respýblıkalyq bıýdjet shyǵystary 3 684,5 mlrd teńgege ıgerildi. Igerilmeý somasy 58,4 mlrd teńgeni qurady», - deıdi Baqyt Sultanov.
Qarjy mınıstriniń baıandamasyna qulaq assaq, qańtar-mamyr aralyǵynda ıgerilmegen eń úlken qarajat kelesi vedomstvolarda qalyptasqan: Qorǵanys mınıstrligi - 17,2 mlrd teńgeni, Aýyl sharýashylyǵy mınıstrligi - 8,5 mlrd teńgeni, al Ishki ister mınıstrligi 5,4 mlrd teńgeni ıgere almaǵan. Bul rette Mádenıet jáne sport mınıstrliginiń úlesi 7,8 mlrd teńgeni, Qarjy mınıstrliginiń úlesi 3,3 mlrd teńge, Ulttyq qaýipsizdik komıtetiniń ıgerilmegen somasy 3,4 mlrd teńgeni, Joǵarǵy sottyń úlesi 1,8 mlrd teńgeni quraǵan.
Mınıstrdiń aıtýynsha, 1 maýsymdaǵy jaǵdaı boıynsha 178,6 mlrd teńgege mindettemeler qabyldanyp, qazynashylyqta tirkelgen. 96,9 mlrd teńgege áli de bolsa mindettemeler qabyldanbaǵan.
«Onyń ishinde 83,9 mlrd teńgesi Investısııa jáne damý mınıstrligi boıynsha 25 avtojol jobalarynyń qurlysyn salýǵa keledi. Osy somanyń 46,1 mlrd teńgesine 12 maýsymǵa sheteldegi merdigerlermen qarjylyq kelisimsharttarǵa qol qoıyldy. О́tken jınalysta aıtylǵanyndaı, 13 jobaǵa bólingen 42,9 mlrd teńgeniń ıgerilmeý qaýpi bar», - deıdi Baqyt Sultanov.
