Oblystyq kásipkerlik jáne ındýstrıaldy-ınnovasııalyq damytý basqarmasynyń basshysy Arnur Muhametjanovtyń aıtýynsha, búginge deıin atalǵan jobanyń 23 jobasy naqty iske asyrylyp úlgergen. Atalǵan jobalar 39,9 mıllıard teńgeni quraıdy. Sonymen qatar, ekinshi besjyldyq kóleminde qarastyrylǵan jobalar tolyǵymen iske qosylǵan jaǵdaıda 6 myńnan astam jańa jumys orny ashylatyn bolady.
Jambyl óńirinde búginde 60578 shaǵyn jáne orta kásipkerlik nysandary jumys isteıdi. Sondaı-aq, olarda jumyspen qamtylǵandar sany 127 659 adamǵa jetip otyr. «Esepti kezeńde oblystyń ónerkásip kásiporyndary kúshimen 133,3 mıllıard teńgeniń ónimi óndirilgen. Bul turǵyda aýmaqtyq kesimde ónerkásip óndirisiniń kólemi ótken jylǵa qaraǵanda barlyq aýdandarda, mysaly, Baızaq aýdanynda 115,7, Jambylda 106,6, Jýalyda 103,8, Qordaıda 116,7, T.Rysqulovta 105,3, Merkide 125,4, Moıynqumda 109,6, Sarysýda 105,8, Talasta 108,8 jáne Shý aýdanynda 100,1 paıyzǵa artyp otyr», deıdi basqarma basshysy.
Hamıt ESAMAN,
«Egemen Qazaqstan»
Jambyl oblysy
