– Jyldan jylǵa sizdiń sheberligińiz artyp kele jatqandaı, munyń syry nede?
– Jyly lebizińizge rahmet, barlyq oıynshylar alańda ózderin jaqsy qyrynan kórsetýge tyrysady, bul fýtboldyń sózsiz talaby. Ár oıynshy ujymnyń jetistigi úshin ár jattyǵý saıyn bapkerdiń nusqaýlyǵyn oryndap, ózin-ózi jetildirip otyrady.
– Osy maýsymda Eýropa Lıgasynyń toptyq kezeńinde keremet oıyndar ótkizip, pleı-off kezeńine joldama aldyńyzdar. Toptyń favorıti sanalǵan «Vılıarealǵa» qarsy oıynda asqan sheber ekenińizdi taǵy da dáleldedińiz. Sol oıyndy stadıonda tamashalaǵanmyn, sizdiń seıvterińiz bolmaǵanda, bizdin klýb 4-5 gol ótkizer me edi?..
– Fýtbol komandalyq oıyn, bul komandanyń eńbegi. Biz jankúıerler úshin barymyzdy salamyz.
– Elordalyq komandaǵa qoldaý kórsetip, sizdiń oıynyńyzdy baqylap jankúıer bolǵandaımyn, komandamyzda sizdeı oıynshylardyń baryn barsha qazaq fýtbolynyń jankúıerleri maqtanyshpen aıtady! – dep edim ol maqtaǵanyma yńǵaısyzdanyp, «men buny baǵalaımyn, men úshin jankúıerlerdiń yqylasy mańyzdy» dep óziniń óte qarapaıym adam ekenin kórsetti.
Kezdeısoq kezdeskendikten Nenadpen uzaq sóılese almadym, qol alysyp sýretke túskennen keıin maǵan sáttilik tilep: «kezdeskenshe» dedi. Jankúıer úshin budan asqan qýanysh bar ma?!
Erasyl ÁÝEZHAN,
№76 mektep-lıseıiniń túlegi
ASTANA
