Merekelik baıqaýdyń basty uıymdastyrýshysy Mádenıet jáne sport mınıstrliginiń Tilderdi damytý jáne qoǵamdyq-saıası jumys komıteti men Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy sarapshylarynyń aıtýynsha, konkýrsqa usynylǵan eńbekterdi elimizge belgili jýrnalısterden qurylǵan arnaıy mamandar «Úzdik maqala», «Úzdik telebaǵdarlama», «Úzdik radıo baǵdarlama», «Úzdik saıt maqalasy» atalymdary boıynsha saraptady. Kelip túsken 200-ge jýyq materıal baıqaý erejesine saı iriktelip, qazylar qorytyndysy boıynsha bas júldege tigilgen 1 mıllıon teńge syılyqqa tanymal pýblısıst, shoqantanýshy Jarylqap Beısenbaıulynyń eńbegi laıyq dep tabyldy. Kórnekti qalamgerge arnaıy sertıfıkatty Mádenıet jáne sport mınıstri Arystanbek Muhamedıuly tabys etti.
Sondaı-aq «Úzdik maqala» atalymy boıynsha I oryndy «Jas Alash» gazetiniń qyzmetkeri Nurlybek Safın ıelense, II oryn «Egemen Qazaqstan» gazetiniń Shyǵys Qazaqstan oblysy boıynsha menshikti tilshisi Azamat Qasymǵa buıyryp, III oryndy tarazdyq qalamger Ázimhan Ybyraıym enshiledi.
«Úzdik telebaǵdarlama» atalymy boıynsha I oryndy «Tańsholpan» baǵdarlamasynyń jýrnalısi Serikbek Jumabek ıelense, II oryn «Másele» baǵdarlamasynyń jetekshisi Nartaı Aralbaıulyna berilip, III oryndy «Saryarqa» telearnasy jańalyqtar bóliminiń shef-redaktory Gúlbaqsha Aqajanova enshiledi.
«Úzdik radıo baǵdarlama» atalymy boıynsha I oryndy jas jýrnalıst Erbol Alshynbaı ıelense, II oryn «Habar» radıosynyń júrgizýshisi Ásemgúl Amanjolovaǵa, III oryn «Shalqar» radıosynyń jýrnalısi Talant Arǵynǵalıǵa buıyrdy.
«Úzdik saıt maqalasy» atalymy boıynsha I oryn «Sportportal.kz» saıtynyń tilshisi Madııar Arystanbaevqa, II oryn respýblıkalyq «Polısııa.kz» jýrnalynyń qyzmetkeri Erkeǵalı Beısenovke buıyrdy, III oryndy «BAQ.kz» aqparat agenttiginiń tilshisi Qymbat Eltaıqyzy enshiledi.
Sonymen qatar «Qazaqstan tarıhy» jáne «Ádebıet» portaldarynyń bas redaktory Oljas Berkinbaev bastaǵan tórt jýrnalıst qurmet gramotasymen marapattalsa, 30-dan astam jýrnalıske mınıstrliktiń Alǵys haty tabystaldy.
Beken QAIRATULY,
«Egemen Qazaqstan»
