40 jastaǵy qaqpashy PSJ komandasymen 1+1 júıesi boıynsha kelisimshartqa qol qoıǵan. Ázirshe jyldyq tabysy naqty habarlanǵan joq. Degenmen La Gazzetta dello Sport basylymynyń jazýynsha, Býffonnyń jyldyq tabysy 4 mıllıon eýro bolmaq.
Djanlýıdjı «Iýventýs» komandasynan ketetinin mamyr aıynda málimdegen bolatyn. Ol Italııa klýbynyń qaqpasyn 2001 jyldan beri qorǵap kelgen edi. Býffonnyń qyzmetine PSJ komandasynan bólek, Argentınanyń «Boka Hýnıors» klýby da qyzyǵýshylyq bildirgen.
Jańa salmaqtar qosyldy
Halyqaralyq aýyr atletıka federasııasy (IWF) erler jáne qyzdar básekesine jańa salmaq qosty. Endi erler de, qyzdar da 10 salmaq dárejesi boıynsha synǵa túsedi.
Jańa salmaq kategorııasyn federasııa ǵylymı jáne statıstıkalyq málimetter boıynsha negizge ala otyryp jasap shyqqan. Bir ereksheligi, sportshylar halyqaralyq jarystarǵa barlyq salmaq dárejesi boıynsha qatysqanymen, 2020 jyly Tokıoda ótetin olımpııa oıyndaryna 10 salmaqtyń tek jeteýi ǵana baq synaıdy.
Erler arasynda 55, 61, 67, 73, 81, 89, 96, 102, 109 jáne 109 kılodan joǵary salmaqtaǵy sportshylar barlyq jarystarǵa qatyssa, 61, 67, 73, 81, 96, 109 jáne 109 kılodan joǵary olımpıadalyq salmaq bolyp esepteledi. Al qyzdar arasynda 45, 49, 55, 59, 64, 71, 76, 81, 87 jáne 87 kılodan joǵary halyqaralyq, 49, 55, 59, 64, 76, 87 jáne 87 kılodan joǵary olımpıadalyq salmaq bolyp bekitildi.
«Týr de Frans» bastaldy
Fransııa astanasy Parıjde velosporttan beıresmı «álem chempıonaty» sanalatyn «Týr de Frans» básekesi bastaldy. Bıyl 105 ret uıymdastyrylyp jatqan dodaǵa elimizdiń atynan «Astana» velokomandasy da qatysyp jatyr.
Velododanyń alǵashqy kezeńi jappaı sprıntpen aıaqtalyp, «Astana» komandasynyń kóshbasshysy Iаkob Fýlsang 9-oryn ıelense, ekinshi kezeńde márege 25-shi bolyp keldi. Al jarystyń úshinshi kúninde komandalar ýaqytqa jarysyp, elorda komandasy segizinshi oryn aldy.
Úsh kezeńniń qorytyndysy boıynsha, jalpy esepte, Fýlsang kósh basynda kele jatqan Greg Van Avermattan 51 sekýndqa artta qalyp, 13-orynda keledi.
Daıyndaǵan
Álı BITО́RE,
«Egemen Qazaqstan»
