Qazan aıynyń 10-11 kúnderi Astanaǵa bes kontınentten jınalǵan ártúrli dinder men konfessııalardy bildiretin 500 ártis keledi. Beıbitshilik jáne Kelisim saraıynyń sahnasynda tuńǵysh ret biryńǵaı shyǵarmashylyq yrǵaǵynda soǵyssyz jáne terrorızmsiz beıbitshilik úshin án aıtylady.
Aldaǵy festıval «Dinderdiń kóshbasshylary qaýipsiz álem úshin» taqyrybyna arnalǵan dúnıejúzilik jáne dástúrli dinderdiń kóshbasshylarynyń VI Sezdi sheńberinde ótedi. Prezıdent Nursultan Nazarbaev bastamasymen uıymdastyrylǵan Sezd beıbitshilik, kelisim jáne tózimdilik ortalyǵy retinde Astana mártebesin nyǵaıtýda mańyzdy ról atqarady.
Tyńdarmandar álemniń 20 elinen ıaǵnı, AQSh, OAR, Izraıl, Majarstan, Túrkııa, Bolgarııa, Reseı, Belarýs Respýblıkasy, Grýzııa, Ázerbaıjan, О́zbekstan, Qyrǵyzstan, Shrı-Lanka, Indonezııa, QUR, jáne basqa elderden kelgen óleń ujymdarynyń ónerin tamashalaı alady.
«Festıval aıasynda tyńdarmandar mýzykanyń ártúrli janrlary men ártúrli baǵytymen tanysa alady. Bir sózben aıtqanda, sizderdi úlken mýzyka merekesi kútedi. Festıval ánderi ártúrli tilderde oryndalatynyna qaramastan, adamdarǵa bir birin jaqsy túsinýge kómektesetinine senimdimin», deıdi joba avtory Gúlmıra Kuttybadamova.
Beıbitshilikti qoldaý úshin mýzyka merekesi álem deńgeıindegi dırıjerlar men ataǵy shyqqan halyqaralyq syılyqtardyń laýreaty - kompozıtor jáne oryndaýshy Amıkaela Gaston (AQSh), dırıjerlar - Gabor Hollerýng (Majarstan), Zımfıra Poloz (Kanada), QR eńbegi sińgen qaıratkeri Beıimbet Demeýov, Gúlmıra Quttybadamova jáne basqalardyń qatysýymen ótedi.
