Qyrǵyzstandaǵy tas kóshkinnen zardap shekkender elge jetkizildi

Qyrǵyzstannyń Tótenshe jaǵ­daılar mınıstrligi bas­pasóz qyzmeti jetekshisiniń min­detin atqarýshy Elmıra Sharı­povanyń habarlaýynsha, tas kóshkini Qyrǵyzstan astanasy­nan 40 shaqyrym qashyqtyqta, Shý aýdanynyń aýmaǵynda tir­kel­gen. Teńiz deńgeıinen 4100 metr bıiktikke shyqqan týrıster tas kósh­kinine tap bolǵan. Oqıǵa As­tana ýaqytymen 13-00-de tir­kelgen.

Atalǵan oqıǵa jaıynda de­reý elimizdiń Ishki ister mınıs­tr­ligine habarlanyp, zardap shek­kenderdi birlese qutqarý ope­rasııalarynyń jaıy tal­qy­lanǵan. Oǵan qosa Bishkek qutqarý jasaqtary men tikushaqty Qa­zaqstannan jiberýdi suraǵan. 

Syrtqy ister mınıstrligi baspasóz qyzmetiniń jetekshisi Aıbek Smadııarovtyń málim-
­deýin­she, alǵashqy kúni kúnniń bulttylyǵy saldarynan kórshi memlekettegi taýly aımaqqa tikushaq jiberý múmkin bol­maǵan.

Al keshe tańerteń elimizdiń Tótenshe jaǵdaılar komıteti  Res­pýblıkalyq jedel-qutqarý jasaǵynyń qutqarýshylary «Qaz­a­vıaqutqarý» tikushaǵymen Skrıabın muzdyǵyna jetip, qut­qarý operasııasyn júrgizdi. Qut­qarý toby Almatydan qura­mynda eki kınologııalyq toby bar 9 adamnan quralyp, MI-171 tikushaǵymen attanǵan. 

Qutqarý operasııasynyń qo­rytyndylary týraly alǵashqy málimetterdi Astanada Ishki ister mınıstriniń orynbasary Iýrıı Ilın habarlady.  

Onyń aıtýynsha, №9 Skrıa­bın muzdyǵynda qaza tapqan aza­mat Almaty qalasynyń tur­ǵyny, 1976 jyly dúnıege kel­gen.  Al­dyn ala derekter­ge qaraǵanda mar­qum Almaty­daǵy ǵylymı-zertteý ınstı­týt­tary­nyń birin­de qyzmet etken.

Al zardap shekken ózge eki adam da almatylyq, taǵy bireýi – Shy­ǵys Qazaqstan oblysynyń turǵyny.

Al otandastary­myz­ben birge bolǵan Reseı aza­mattarynyń úsheýi de Tomsk qalasynyń turǵyndary eken.

– Qutqarý operasııasy 4100 metr bıiktikte júrgizildi. Qa­za tapqan azamattyń denesi men qut­qarylǵandar Manas áýejaıyna jetkizilgen boıda tergeý amaldary júrgizilip, kýágerlerden jaýap alyndy. Al zardap shekkenderdiń densaýlyqtary Almaty áýejaıynda jiti tek­serilip, olardyń ózderi aýrý­hanaǵa jatýdan bas tartty. Olar­dyń barlyǵy da er adamdar. Marqumnyń denesi saraptama júrgizý úshin Almaty qalalyq ishki ister departamentine tapsyryldy, – dedi Ishki ister mı­nıstriniń orynbasary.

Iýrıı Ilınniń paıymdaýynsha, tótenshe oqıǵaǵa taıaý­daǵy jer silkinisinen soń taý jynystarynyń qozǵalysy men aýa raıynyń qubylysy sebep bo­lýy múmkin. Al Qyrǵyz­stan­nyń Tótenshe jaǵdaılar mı­nıs­trligi baspasóz qyzmeti el aýma­ǵyndaǵy taý jotalarynda bıyl­ǵy jyl basynan beri tas kóshkini bolmaǵandyǵyn atap ótti.

Elmıra Sharıpovanyń aıtýynsha, Skrıabın muzdyǵy jer-jerden áýesqoı alpınısterdi qumartyp turatyn aımaq eken. Al tómen quldılaǵan usaq tastardyń ózi adam ómirine asa qaýipti sanalady.

Mundaı tabıǵı qubylystar ádette taýdyń basy muzdan tazaratyn jaz mezgiliniń ekinshi jartysynda kóptep tirkeledi. Oǵan qosa týrısterdiń shalys basýy da taý qyrtystarynyń qoz­ǵalysyna sebep bolýy múm­kin. Al tótenshe oqıǵanyń mán-jaıyn tergeý organdary anyq­taýy tıis.

Jalpy, №9 Skrıabın muz­dy­ǵynyń bıiktigi 4800 metrge jýyqtaıdy.

Serik ÁBDIBEK,

«Egemen Qazaqstan»