Aral aýmaǵynda atqarylar sharýa kóp

Jıynǵa Densaýlyq saqtaý mınıstrligi Qoǵamdyq densaýlyq saqtaý komıtetiniń tóraǵasy –Bas memlekettik sanıtarlyq dáriger Jandarbek Bekshın, Bilim jáne ǵylym mınıstrligi Ǵylym komıtetiniń «Ulttyq bıotehnologııa ortalyǵy» respýblıkalyq memlekettik kásiporny Almaty qalalyq fılıalynyń dırektory Seıdiǵapbar Mamadálıev, Aýyl sharýashylyǵy mınıstr­ligi Veterınarlyq baqylaý jáne qadaǵalaý komıteti tóraǵasy­nyń orynbasary Tursyn Qabdýl­danov, Investısııalar jáne damý mınıstr­ligi Geologııa jáne jer qoınaýyn paıdalaný komıteti tóraǵasynyń orynbasary Talǵat Sátıev qatysty.

Úkimettiń 2018 jylǵy 13 sáýirdegi qaýlysymen «Vozro­j­denıe» aralynyń qazaq­stan­dyq bóliginde jáne Aral teńizine irgeles qurlyq aýma­ǵyn­da epı­de­mıologııalyq salamat­ty­lyqty qamtamasyz etý jáne monıtorıng júrgizý jónindegi 2018-2020 jyldarǵa arnalǵan is-sharalar jospary bekitilgen.

«Búgingi másele óte ózekti dep aıtýǵa bolady. Bul elimizdiń bıologııalyq qaýipsizdigi jáne qazirgi tańdaǵy «Vozrojdenıe» aralynyń jaǵdaıy. Árıne bul máselege qazir Úkimet tarapynan úlken mán berilip, nazar aýdarylyp jatyr. Memlekettik organdar da bul máselemen aınalysyp, úsh jylǵa arnalǵan jospar daıyndadyq. Atalǵan jospardy iske asyrýǵa 11 memlekettik organ tartylǵan. Sharýashylyq qajettilikterin jáne ónerkásip­tik óńdeýlerdi júzege asyrýǵa qa­jet­ti jaǵdaılardy qamtamasyz etý úshin araldaǵy sanıtar­lyq-epıde­mıo­logııalyq jaǵdaıdy zerde­leý qajet. Buryn 2003-2005 jyl­dary Densaýlyq saqtaý mınıstr­­liginiń M.Aıqymbaev atyn­­­daǵy Qazaq karatındik jáne zoo­­nozdyq ınfeksııalar ǵy­lymı or­­ta­l­yǵy (QKZIǴO) aral­da zer­deleý júrgizdi jáne 1802 to­py­­raq synamasyn, 2101 jyly qan­dy janýarlar men 8286 olar­d­yń ek­to­parazıtterin (búrge men kene) zerttedi. Zertteý ba­rysyn­da «Vozrojdenıe» araly­nyń qazaq­standyq bóliginiń epı­de­mıologııalyq (ınfeksııalyq) qaýpi joq ekendigi týraly nátıje alyn­dy», dedi Bas memlekettik sanı­ta­rlyq dáriger Jandarbek Bekshın.

«Vozrojdenıe» araly Aral teńi­zinde, О́zbekstan jáne Qazaq­stan shekaralarynyń aıasynda ornalasqan. Onyń aýmaǵy shamamen 200 sharshy km, onyń ishin­de araldyń qazaqstandyq bóligi – 70 sharshy km Qazaqstan Respýb­lıkasynyń Úkimeti tarapynan araldyń qazaqstandyq bóligin sharýashylyq qajettilikterge paıda­lanýǵa, sondaı-aq bolashaq­ta kómirsýtek shıkizaty kenin óń­deýge jaramdylyǵyn zerdeleý­ge qatysty tapsyrma berilgen. 

«Jalpy jospardy iske asyrý birqatar is-sharalar­dy qamtıdy. Olar: memleket­tik shekaranyń Qazaqstan – О́zbekstan ýchaskesin shegendeý jumystaryn aıaqtaý, geologııa­lyq barlaý, aýyl sharýashy­lyǵy jáne ózge de is-sharalar­dyń oryn­dy­lyǵy men kólemin aı­qyn­daý, «Vozrojdenıe» araly­nyń aýmaǵyna irgeles Aral mańy aýdandarynda bolyp jat­qan ózgeristerdi anyqtaý úshin olardaǵy asa qaýipti jáne zoonozdy ınfeksııalardyń tabıǵı oshaqtaryna monıtorıng júrgizý, aral aýmaǵyn zertteý boıynsha aqparat alýǵa baǵyttalǵan shet eldermen ózara is-qımyldy jáne konsýltasııalardy qamtamasyz etý», dedi ol.

Raýan QAIDAR,

«Egemen Qazaqstan»