Aýdan ákimdiginiń arnaıy shaqyrtýymen medısına ǵylymdarynyń doktory Əmir Ahetov bastap kelgen astanalyq dərigerler arasynda neırohırýrg, pýlmanolog, revmatolog, allergolog, terapevt, angıhırýrg, kardıolog, arıtmolog sııaqty mamandar bar.
– Jergilikti jerde dárigerler jetispeıdi. Sondyqtan astanalyq dárigerlerdiń aýylǵa kelýi asa mańyzdy, – dedi qalyptasyp otyrǵan qıyndyqty atap ótken aýdandyq emhananyń bas dərigeri Banurjan Jańǵalov.
Emhanaǵa kúnine 200-250-ge deıin adam keledi. Tek keıbir mamandardyń joqtyǵynan naýqastar elektrondy portal arqyly Kókshetaý jəne Astana qalalaryndaǵy emdeý mekemelerinde qaralýǵa májbúr. Kezegi kelgenshe biraz ýaqyt sarylyp kútedi. Bul joly dərigerler naýqastardy kezeksiz qabyldady. Sonyń ishinde birinshi sanattaǵy arıtmolog dəriger Nurlan Elýbaevqa 15 adam jazylǵan. Kelýshilerdiń arasynda Zerendi aýylynyń Aınur Qudabaeva esimdi turǵyny da bar. Aınurdyń dárigerge kórinip júrgenine 7 jyl bolǵan. «Osyǵan deıin aýdandyq emhanada arıtmolog dəriger bolmaýy qıyndyq týdyrǵan. Bul joly mamannyń ózi kelip qabyldady. Tegin medıósınalyq qyzmetine tegis rızamyz», deıdi ol.
Sonymen qatar joǵary bilikti dáriger mamandar em-dom sharalarynan bólek aýdan turǵyndaryna aqyl-keńes berdi. Halyq qan tapsyryp, rentgenge tústi. Bul kúni aýdan boıynsha barlyǵy 180-nen astam adam qabyldaýda boldy. Keıbir naýqastarǵa Prezıdent Is basqarmasynyń Medısınalyq ortalyǵy aýrýhanasynda stasıonarlyq em qabyldaýǵa joldama berildi.
Baıqal BAIÁDIL,
«Egemen Qazaqstan»
Aqmola oblysy,
Zerendi aýdany
