Osydan bir apta burynǵy Chehııada ótken matchta da jerlesterimiz 2:0 esebimen qarsylastaryna jol berip qoıǵan-dy. Almatyda kóbirek gol soǵýdy maqsat tutqan «Qaırat» komandasy búkil ujym bolyp shabýyldap, qorǵanysty múlde umyt qaldyrdy. Sondaı sátterdiń birinde «Sıgma» shabýylshysy Martın Neshpor Stas Pokatılov qorǵaǵan qaqpanyń sańlaýyn ońaı taýyp, oıyndaǵy esepti ashty.
Ekinshi taımnyń 51-mınýtynda Davıda Goýskı esepti 2:0-ge jetkizip, «Qaırattyń» kelesi kezeńge ótetin úmitin sý sepkendeı basty. О́ıtkeni, Almatynyń komandasy kelesi kezeńge shyǵý úshin 5 gol soǵý kerek bolatyn. Aradan 10 mınýt ótkende Marton Eppel gol soǵyp, esep aıyrmasyn qysqartty. Goldan keıin jankúıerler men «Qaırat» fýtbolshylary eń bolmaǵanda teń nátıjege úmit artqan edi. Alaıda 79-mınýtta «Qaırat» sapynan Hýan Felıpe ekinshi sary qaǵazyn alyp, oıynnan qýyldy. Al match sońynda Isael de ekinshi sary qaǵazyn alyp, matchty merziminen buryn aıaqtady. Osylaısha, «Qaırat» oıynshylary kezdesýdi 9 fýtbolshymen aıaqtady.
Eki matchtyń qorytyndysy boıynsha «Sıgma» 4:1 esebimen jeńiske jetip, Eýropa lıgasynyń pleı-off kezeńine shyqty.
