Soltústik Qazaqstan óńiriniń jeri shaǵyn bolsa da berekeli, bıdaıy kóp. Agrarly aımaq sońǵy jyldary dándi-daqyldardan bólek maıly daqyldardy ósirýge erekshe den qoıyp otyr.
Elbasy «Taıynsha maı» zaýytyn aralap, seh jumysymen tanysady. О́ndiris orny maıly daqyldardy óńdep, ekologııalyq ónimdi eksportqa shyǵarady. «Taıynsha maı» – Qazaqstan men Qytaıdyń birlesken jobasy. Zaýyt ózine qajetti shıkizatty jergilikti sharýalardan satyp alady. Kásiporyn bıyl 100-150 myń tonna shıkizat óńdeýdi josparlap otyr.
Oblys ákimi Qumar Aqsaqalov aımaqtyń áleýmettik-ekonomıkalyq damý kórsetkishteri boıynsha Prezıdentke esep beredi. Prezıdent soltústik óńirde aýyl sharýashylyǵyn ártaraptandyrý boıynsha keńes ótkizbek. Sondaı-aq Nursultan Nazarbaev Taıynsha aýdany Ilıchevka aýylynǵan salynǵan jańa úılerdi aralap kórmek.
Sý jańa baspanalardyń ıeleri – ońtústikten soltústikke qonys aýdarǵan turǵyndar. Osy jyly Ilıchevka aýylyna ońtústikten 14 otbasy kóship kelgen. Elimizde jumys kúshi tapshy óńirlerdi qajetti mamandarmen qamtamasyz etý úshin qolǵa alynǵany belgili. Qonys aýdarýshylarǵa áleýmettik kómek beriledi.
