QHR elshiligi Ulttyq mýzeımen birlesip uıymdastyryp otyrǵan «Tańǵajaıyp Qytaı» fotokórmesiniń toptamasy sońǵy bes jyl ishindegi qol jetkizgen tarıhı jetistikterdi jan-jaqty ashyp kórsetedi.
Maral Baltyshev, Ulttyq mýzeı dırektorynyń orynbasary «Qazaqstan men Qytaı arasyndaǵy qarym-qatynastar ekijaqty qarqyndy damýda. Mádenıet pen óner eki el halyqtarynyń arasyna dáneker bolyp, bir-birin jaqyndastyrýǵa qyzmet jasap keledi. Búgingi kórmege arqaý bolyp otyrǵan Batys Qytaı – keń aýmaqty, ártúrli ulttardyń etnıkalyq mádenıetine baı jer.Ol ólkeniń jan-jaqty kórinisterin osy kórmeden tamashalaýǵa bolady», – dedi.
Batys Qytaı – keń aýqymdy, bıik taýlary men ózenderi bar, myń ǵasyrlyq tarıhy men halyqtyq mádenıeti qalyptasqan ólke. Shensı, Gansý, Sınhaı, Gýıchjoý, Iýnnan provınsııalarynyń kórmesinde sońǵy 40 jyldyń ishinde Batys Qytaıdyń provınsııalarynyń áleýmettik, ekonomıkalyq jáne mádenı salalardaǵy zor jetistikteri men ekologııalyq ortany qorǵaý jáne turaqty damýdy qamtamasyz etý isinde qundy tájirıbesi kórsetiledi.
Baǵashar TURSYNBAIULY,
«Egemen Qazaqstan»
