– «Týǵan jerge taǵzym» aksııasymen Mańǵystaý aýdany Shaıyr mektebiniń túlegi, kásipker Samat Musabaev muǵalimder kúni merekesi qarsańynda 6 zeınetkerge 50 myń teńgeden, búkil mektep ujymyndaǵy 100 adamǵa 25 myń teńgeden syıaqy taǵaıyndady jáne turaqty túrde mekteptiń respýblıkalyq saıys júldegerine 1 mln, oblystyq deńgeıge 500 myń, aýdandyq deńgeıge 200 myń teńgeden syıaqy taǵaıyndap keledi. Conymen qatar Samat Musabaev bastaǵan oblys kásipkerleri Mańǵystaý aýdanyndaǵy «Otpan taý» tarıhı-mádenı keshenine 80 mıllıon teńgege qazaqtyń úsh bıiniń eskertkishin ornatty. Aýyl azamattary Túpqaraǵan aýdany Baýtın aýylynda «Baıdildá ata» qorymy janyna 10 mıllıon teńgege túneýhana men syrtqy qorshaýyn salsa, Jańaózen qalasy, Túpqaraǵan, Beıneý, Mańǵystaý, Qaraqııa aýdandarynda jalpy somasy 293 mıllıon teńgege demalys alańdary men saıabaqtardy tartý etti, – deıdi «Rýhanı jańǵyrý» óńirlik jobalyq ofıs basshysy G. Azan.
Týǵan jerge, altyn besigine qolǵabys jasaýdan jas býyn da qalys qalar emes. Beıneý aýdany Turysh aýylynyń mektep túlekteri týǵan aýylyna quny 2 mln teńge turatyn «Demalys parkin» tartý etse, aýdan ortalyǵynda kásipkerler qarjysyna «Jubaılar baǵy» salyndy. Al Túpqaraǵan aýdany Taýshyq aýyly Shahta orta mektebiniń 1997 jylǵy túlekteri aýyldan 1 mln teńgege shaǵyn saıabaq salyp qýantsa, Mańǵystaý aýdanynda adan turǵyndarynyń uıymdastyrýymen Jastar saıabaǵy turǵyzyldy.
Mańǵystaý oblysyndaǵy qalalar men aýdandardaǵy 50 orta mektep 208,6 mln teńgege jáne 4 arnaıy túzetý mektebi 27 mln teńgege qajetti ınventarlarmen jabdyqtaldy. Aqtaý qalasynda, Mańǵystaý, Beıneý, Munaıly, Túpqaraǵan aýdandarynda jalpy 902 mln 600 myń teńgege sporttyq keshender men alańdar salyndy.
− Joqtan bar jasaýda, aýyldy damytýda halyqtyń belsendiligi joǵary. Olarǵa kásipkerler qoldaý kórsetip, aýyzbirshiliktiń arqasynda biraz jumystar jolǵa qoıyldy. О́ńirdegi iri kompanııalardyń da úlesi zor. «Tengız Shevroıl» JShS 46 mln teńgege Beıneý aýdanynyń Boranqul aýylynda 200 oryndyq sport alańyn salyp berse, jeke kásipker M.Jáýperov 1mln teńgege mektepke sporttyq jabdyqtar alyp berdi. Sondaı-aq kásipker Suńǵat Muńalbaev 220 mln teńgege Mańǵystaý aýdanynyń Shetpe aýylynda «Azamat» sport keshenin, saýyqtyrý, júzý basseınin turǵyzyp, halyq ıgiligine usyndy. «Samuryq Qazyna Trast» áleýmettik jobalardy damytý qorynyń qoldaýymen 170 mln teńgege Aqtaý qalasynda fýtbol, vorkaýt, basketbol alańdary men kóshe trenajerlary ornatyldy jáne I.Bısenǵalıevtiń qoldaýymen 350 mln teńgege «Batyr» sport kesheni turǵyzyldy, − deıdi «Rýhanı jańǵyrý» óńirlik jobalyq ofıs basshysy Gúlaıym Baqytqyzy.
Salamatty ómir saltyn negizgi ustanymǵa aınaldyryp, buqaralyq sportty damytýdy basty orynǵa qoıǵan memleketimizdiń saıasatyna saı Mańǵystaý óńirinde turǵyndardyń sportqa qyzyǵýshylyǵy joǵary. Ol óńirde sporttyq keshenderdiń kóptep boı kóterýinen de ańǵarylady. Bul baǵytta Munaıly aýdanynda kásipker Z.Isaevanyń qoldaýymen quny 100 mln teńgelik «Isa» sport kesheni salynsa, Túpqaraǵan aýdany Taýshyq aýylynda NKOK JShS-niń demeýimen ámbebap sport alańy paıdalanýǵa berildi, atalmysh alańnyń quny 15 mln teńgege baǵalanǵan. Aqtaý qalasynda urpaqtarynyń uıymdastyrýymen 5 mln teńgege halyq batyrlary Shotan Nazaruly men Shoǵy Muńalulyna arnalǵan halyqaralyq sporttyq týrnırler ótkizildi.
Týǵan jerdi túletý, onyń damýyna, kórkeıýine azamattyq, perzenttik úles qosý sport qana emes, barlyq salada kórinis tabýda. Aqtaý qalasynda, Qaraqııa aýdanynda 8 mlrd 923 mln teńgege jastar jataqhanasy, Aqtaý qalasynda 6 mlrd 148 mln 261 myń teńgege «Dostyq úıi» turǵyzyldy. Keshe ǵana Besinshi Kaspıı sammıti ótip, bes memlekettiń prezıdentin tórine jıǵan bul kórikti orda – «Dostyq úıin» de halyq kádesine usynǵan – NKOK JShS.
Memleket basshysynyń tapsyrmasymen turǵyndardy baspanamen qamtamasyz etý, múmkindigine qaraı qyzmetkerlerdi, jastardy jataqhanamen qamtý jumystary qarqyndy qolǵa alyndy. Aqtaý qalasynda 562 mln teńgege 100 oryndyq jastar úıi, NKOK JShS qoldaýymen 1 mlrd 313 mln teńgege 500 oryndyq jastar úıi salynyp, óz turǵyndaryn qýanyshqa bóledi. Sondaı-aq NKOK JShS demeýshiligimen Qaraqııa aýdanynda 500 oryndyq jas mamandar men jumysshylarǵa arnalǵan jataqhana qurylysyna 900 mln teńge jumsaldy.
Týǵan jerdi kórkeıtý baǵytyndaǵy jumystardan densaýlyq saqtaý salasy da tys qalyp jatqan joq. Demeýshiler tarapynan oblystyq emhanalarǵa jalpy somasy 235 mln teńgege qajetti qural-jabdyqtar jáne medısınalyq apparattar satyp áperildi, Jańaózen qalasynda «О́zenmunaıgaz» AQ-nyń demeýshiligimen densaýlyq qyzmetkerlerine 86,2 mln teńgege jańa avtokólikter tabystaldy. Halyq kóp shoǵyrlanǵan Munaıly aýdanynda T.Aıtýǵanovtyń kómegimen 130 mln teńgege «Muhambet» medısınalyq ortalyǵy turǵyzylsa, NKOK JShS Aqtaý qalasyndaǵy Mańǵystaý oblystyq aýrýhanasyna 20 mln teńgege elektrokardıograf, joǵary jıilikti elektrokoagýlıatordy, Túpqaraǵan aýdany Fort-Shevchenko qalasyndaǵy aýdandyq emhanaǵa baǵasy 16,7 mln teńge quraıtyn ýltradybystyq dıagnostıkalyq skanerdi tabystady.
Qaıyrymdylyq baǵytyndaǵy jumystar munymen shektelip qalmaıdy. «ENKA İnşaat ve Sanayi A.Ş» mekemesi Túpqaraǵan aýdany Baýtın aýylynda jalǵyzilikti tyl ardageri B.Telbaevqa 15 mln teńgege úı salyp berse, A.Adjıbaev bastaǵan aýdan turǵyndary Saıyn aýylyndaǵy UOS ardageri S.Murjyqovtyń densaýlyǵyn túzeýge 1 mln teńge bóldi, «SK Baýtıno» kompanııasy Fort-Shevchenko qalasynda 16 páterlik turǵyn úıdiń shatyryn jabýdy moınyna alsa, aýyl turǵyndarynyń kómegimen Mańǵystaý aýdany О́tes aýylynda ortalyq kósheler jaryqtandyryldy. Aýyl turǵyndary Beıneý aýdany Boranqul aýylynda 2 páterli turǵyn úı salyp, áleýmettik jaǵdaıy tómen úsh otbasy úıleriniń qurylysyn aıaqtaýǵa, jylý tartýǵa kómek uıymdastyrdy. Qaraqııa aýdanynda kásiptik kolledj stýdentteri óz qolymen buıymdar men quraldar jasap, óz aýyldaryna tartý etti.
Quzyrly oryndardyń málimetine sáıkes, oblystyń qala-aýdandarynda muqtaj jandarǵa, balalardyń jazǵy demalysyn tıimdi ótkizýge baǵyttalǵan qaıyrymdylyq aksııalary uıymdastyrylyp, 61 mln teńgege kómek kórsetildi. Jyl aıaǵynda óńirdiń damýyna qomaqty kómek kórsetken azamattardy elge tanystyrýǵa, alǵys aıtýǵa baǵyttalǵan oblystyq mesenattar forýmy uıymdastyryldy.
О́ńirlik jobalyq ofıs basshysy bir jarym jylǵy atqarylǵan jumystardyń bularmen shektelmeıtinin, aǵymdaǵy jylǵa da óńir demeýshileri 17 mlrd 386 mln 851 myń teńge qarjy bólip, 86 is-shara josparlap otyrǵanyn jáne onyń jyl sońyna deıin tolyqtyryla beretinin aıtty. Sonymen qatar tarıhı sanany jáne patrıottyqty damytý, tabıǵı jáne mádenı muralardy qorǵaý, halyqqa tanytý maqsatyndaǵy «Rýhanı qazyna», «Tárbıe jáne bilim» kishi baǵdarlamalary boıynsha josparlanǵan iri jobalardyń qarjy qajettiligine baılanysty kidirip turǵanyn da málimdep, mesenattar men mekemelerdiń rýhanı baǵyttaǵy jumystarǵa nazar aýdarýyn suraıdy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
