Taýly Altaı, Chıke-Taman asýy
Altaı respýblıkasynyń IID qyzmetiniń málimetinshe, jol apaty juma kúni túnde Ongýdaı aýdanynana qarasty Chýıa jolynyń 659 shaqyrymynda bolǵan.
«Chıke-Taman» asýynan túsip kele jatqan ISTANA markaly kóliginiń tejegishi isten shyǵyp, aýdarylyp qalǵan», dep jazady. Polısııa qyzmetkerleriniń sózinshe, kólik júrgizýshisi spırttik ishimdik ishpegen, saý bolǵan.
Juma kúni túnde kelip jetken habarda jol apatynan mertigip qalǵan Mońǵolııanyń 3 azamaty aýrýhanaǵa jetkizilgeni týraly aıtylǵan.
Chıke-Taman asýynyń bıiktigi 1295 metr. Tórt shaqyrym kóterilip, tórt shaqyryp túsetin qulama asý álemdegi eń qıyn 10 joldyń biri sanalady. Mońǵolııa men Qazaqstan azamattary eki el arasyna qatynaý úshin osy asýdy basyp ótedi.
Asý basynda tamashalaýǵa arnalǵan alańqaı bar. 1996 jyldan bastap Altaı Respýblıkasynyń tabıǵı eskertkishi retinde jarııalanǵan.
Aıa О́MIRTAI,
"Egemen Qazaqstan"
