Nóser jańbyr kezinde elorda turǵyndary qaıyqqa otyryp alǵan eki adamnyń vıdeosy áleýmettik jelilerde keń taralǵan bolatyn.
Jergilikti polısııa qyzmeti habarlaǵandaı, tártip saqshylary jigitterdiń bul áreketin usaq buzaqylyq dep baǵalaǵan. Olarǵa qatysty ákimshilik quqyq buzýshylyqtar kodeksiniń 434-babyna saı hattama toltyrylǵan.
Astana qalasynyń mamandandyrylǵan aýdanaralyq soty "qaıyqshylardyń" árqaısysyna 5 AEK kóleminde (12 025 teńge) aıyppul saldy.
Astana qalasynda dúısenbi kúni nóser jaýyn jaýyp, kóshelerdi sý basyp ketti. Tipti baǵdarly avtobýstyń salonyna jańbyr sýy kirip ketken.
Keıinirek qala bıligi turǵyndardan keshirim surap, jańbyr kanalızasııasy problemasyn 2019 jyly sheshýge ýáde berdi.
