El ekonomıkasyndaǵy eń aýyr eńbektiń biri shahterlerdiń enshisinde ekeni belgili. Qaraǵandy oblysynyń ákimi Erlan Qoshanov óńirdegi baıyrǵy ken oryndarynyń biri Kostenko atyndaǵy shahtada bolyp, kenshilermen júzdesti. О́ńir basshysy ózi de shahtaǵa tústi. Kómirshilermen jumys barysynda júzdesip, olardyń hal-jaıymen tanysty. Olarǵa Elbasy N.Nazarbaevtyń kenshilerdiń eńbek jaǵdaıyn únemi surap, baqylaýda ustap otyratynyn jetkizdi.
Qaraǵandy shahtalaryn basqaratyn «ArselorMıttal Temirtaý» AQ jyldyń basynan beri eńbekkerlerdiń jalaqysyn 33,55%-ke arttyrǵan.
Prezıdent tapsyrmasymen «ArselorMıttal Temirtaý» aksıonerlik qoǵamyn damytýdyń 2018-2020 jyldarǵa arnalǵan Jol kartasy jasalyp, bul qujatqa Investısııalar jáne damý jónindegi mınıstri Jeńis Qasymbek, Qaraǵandy oblysynyń ákimi Erlan Qoshanov jáne atalǵan kompanııanyń bas dırektory Paramjıt Kalon qol qoıǵan bolatyn. Jol kartasyna sáıkes, «ArselorMıttal Temirtaý» úsh jyl ishinde Bolat, Kómir jáne Ken departamentteriniń óndiristik nysandaryna 305 mlrd teńge ınvestısııalaıdy. Jylǵa shaqqanda, kompanııa bıyl 100 mlrd teńge, 2019 jyly 105 mlrd teńge jáne 2020 jyly taǵy 100 mlrd teńge quımaq. Aıta ketý kerek, byltyr kompanııa tek 50 mlrd teńge ınvestısııalaǵan bolatyn.
Osy qarajattardyń esebinen óndiris oshaqtary jetildirilip, materıaldyq-tehnıkalyq turǵydan jaqsartylyp, shahterler eńbek qaýipsizdigin qamtamasyz etý sharalary júzege asyrylady. Indýstrııanyń 4.0. standarttary qoldanylady. Aldaǵy ýaqytta ekologııa máselelerine de basa kóńil bólinbek.
Qaırat ÁBILDA,
«Egemen Qazaqstan»
QARAǴANDY
