Is-sharaǵa Qazaqstan Respýblıkasy Parlamenti Májilisiniń depýtaty Ahmet Mýradov, Almaty qalasy Máslıhatynyń depýtaty Nýrııa Nııazova, zań ǵylymdarynyń doktory, professor Kabdýlsamıh Aıthojın, D.A.Qonaev atyndaǵy Eýrazııa Zań akademııasynyń Konstıtýsııalyq quqyq kafedrasynyń meńgerýshisi Bolysbek Battalhanov, Almaty qalasy Ǵylymı-sarapshylyq tobynyń tóraǵasy Muhtarbek Shaıkemelov, Qazaqstan halqy Assambleıasy jáne etnomádenı birlestikter ókilderi qatysty.
Dóńgelek ústel barysynda táýelsizdigimizdi aıǵaqtaıtyn, naqtylaıtyn negizgi qujat – Ata zańnyń pármendiligi tóńireginde oı tolǵaǵan qatysýshylar elimizde turyp jatqan kóptegen ult ókilderiniń birligi men yntymaǵynyń negizi osy qujattyń ózeginde jatqandyǵyn atap ótti.
Ata Zań el azamattarynyń bostandyǵy men quqyǵyn qamtamasyz ete otyryp, Qazaqstannyń álemdik keńistikte ózge memlekettermen básekege túse alatyn zaıyrly qoǵamymen erekshelenetindigine toqtaldy. Sondyqtanda el azamattarynyń qandaı da bir ókili bolmasyn elim, jerim degen ustanymmen memleket bolashaǵyna qyzmet etýge tıis.
Elvıra Serikqyzy,
«Egemen Qazaqstan»
ALMATY
