Ishki ister departamentiniń málimetteri boıynsha jedel-aldyn alý is-sharalarynyń negizgi mindetteri qylmystyq jáne ákimshilik quqyq buzýshylyqtardy eskertý, jol-kólik oqıǵalarynyń aldyn-alý, sondaı-aq kóshi-qon zańnamasy men esirtki quraldarynyń zańsyz aınalymyna baılanysty buzýshylyqtardy anyqtaý bolyp tabylady.
Mańǵystaý oblysy boıynsha sharaǵa IIO-nyń barlyǵy 669 qyzmetkeri, Ulttyq gvardııanyń 301 áskerı qyzmetshileri jumyldyrylǵan bolsa, onyń ishinde qoǵamǵa tartylǵany áskerı qyzmetkre sany 34. Esepti kezeńde oblys boıynsha 24 qylmys, buryn jasalǵan qylmystan 7 derek ashyldy.
Izdeýde júrgen 2 qylmysker ustalyp, tyıym salynǵan quraldardy zańsyz saqtaǵany jáne alyp júrgen 11, onyń ishinde esirtki quraldardy saqtaǵany 10, atys qarýyn alyp júrgen 1 tulǵa ustaldy, odan atys qarýynyń 1 birligi, uńǵysyz travmatıkalyq atys qarýynyń 1 birligi tárkilendi.
Tutastaı alǵanda, syrtqy qyzmetterdiń qyzmetkerlerimen oblys boıynsha 1173 ákimshilik quqyq buzýshylyqtar anyqtaldy, onyń ishinde kólik quralyn mas kúıde júrgizgen 30 júrgizýshi anyqtaldy. Sondaı-aq, túrli sanattar boıynsha ishki ister organdarynda esepte turǵan 362 tulǵaǵa tekserý júrgizilip, qabyldaý-taratý ornyna 20 tulǵa jetkizildi, olardyń úsheýi 3 shetel azamattary. Al, 17 adam ýaqytsha beıimdelý jáne ıntoksıkasııa ortalyqtaryna ornalastyryldy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
