Ońtústik Koreıaǵa oqý kýrsyna ketken qazaqstandyq stýdentterdiń zańsyz kelimsekter retinde keri qaıtarylǵany belgili boldy. QR Syrtqy ister mınıstrliginiń resmı ókili osy oqıǵaǵa qatysty pikir bildirdi.
«Biz bul oqıǵadan habardarmyz. Bir top stýdent Koreıadaǵy Qazaqstan Elshiligine kómekke júgindi», dedi Aıbek Smadııarov.
Eki el Úkimeti arasyndaǵy 2014 jylǵy 29 qarashadan bastap kúshine engen vızalyq talaptardy ózara joıý kelisimine sáıkes, ulttyq pasporty bar, jumys isteýdi, oqýdy nemese turýdy josparlamaǵan eki eldiń azamattary 30 kúnge deıin baryp-kele alady.
«Bul jaǵdaıda qazaqstandyq stýdentter Ońtústik Koreıanyń kóshi-qon zańdaryn buzdy jáne elden qýyldy. Stýdentter nemese sapardy uıymdastyrǵan kompanııa Ońtústik Koreıanyń Qazaqstandaǵy Elshiligimen baılanysyp, bar jaǵdaıdy túsindirýi tıis. Ári qaraı máseleniń sheshilýi koreı tarapynyń quzyrynda bolmaq», deıdi QR SIM baspasóz hatshysy.
