QR Prezıdenti Ákimshiliginiń kelisimi boıynsha Batys Qazaqstan oblysy ákiminiń ókimimen Isaqulov Rahymjan Erjanuly oblys ákimi apparatynyń basshysy bolyp taǵaıyndaldy. Bilimi - joǵary. «Bolashaq» baǵdarlamasymen Roıal Holloveı London ýnıversıtetin «ekonomıka jáne menedjment bakalavry» mamandyǵy boıynsha támamdaǵan. Jas kóshbasshylar baǵdarlamasy aıasynda Japonııa úkimetiniń granty negizinde Saıası zertteýler ulttyq ınstıtýtynyń «memlekettik basqarý magıstri» mamandyǵynda oqydy. QR Prezıdenti Ákimshiliginde ártúrli qyzmetter atqarǵan. Buǵan deıin QR Prezıdenti Ákimshiligi memlekettik baqylaý jáne aýmaqtyq-uıymdastyrý jumysy bóliminde memlekettik ınspektor qyzmetin atqardy.
Qanat Sháripuly Qanaevtyń atqarǵan qyzmeti úshin alǵysyn bildirgen oblys ákimi Altaı Kólginov «2016 jyldyń mamyr aıynan beri oblys ákimi apparatynyń basshysy bolǵan Q.Qanaev qyzmet atqarǵan ýaqytta Elbasynyń kadr tańdaýdaǵy talaptary, atap aıtar bolsaq, merıtokratııa qaǵıdasy qatań saqtalyp, «ortalyq-óńir», «óńir-ortalyq» jáne oblys ortalyǵy-aýdandar» rotasııalaý júıesi sátti júzege asyryldy», dep atap ótti.
Aıta keteıik, osy aralyqta memlekettik organdarǵa 100-ge jýyq, onyń ishinde oblys ákimi apparatynyń 32 qyzmetkeri basshylyq laýazymǵa osy qaǵıdattarǵa saı taǵaıyndaldy. Qyzmeti boıynsha joǵarylaǵan azamattardyń 95 prosenti jergilikti kadrlar.
