Jańa oqý jyly qarsanynda «Mektepke jol» respýblıkalyq aksııasy bastalyp ketti. Bıyl osy áleýmettik bastamadan «Batys» óńirlik qolbasshylyǵynyń áskerı qyzmetshileri de tys qalmaı, 50-ge jýyq oqýshyny mektepke ázirledi. Alaıda, aksııanyń qyrkúıek aıynyń aıaǵyna deıin sozylýyna baılanysty oqýshylardyń sany áli kóbeıýi múmkin.
Atalmysh qaıyrymdylyq kómek áskerı qyzmetshilerdiń otbasylarymen jumysty uıymdastyrý qyzmetimen, kópbalaly jáne belgili bir sebeptermen taǵdyr qyspaǵyna túsken otbasylarǵa kórsetildi. Áskerı qyzmetshiler oqýshylardy mektepke qajet quraldarmen, kıim-keshekter men kanselıarııalyq taýarlarmen qamtamasyz etti.
Áskerı qyzmetshilerdiń otbasylarymen jumysty uıymdastyrý qyzmetiniń bastyǵy Elvıra Aqynbaevanyń aıtýynsha, bastamanyń basty maqsaty – kópbalaly, tolyq emes, ata-anasynyń qaraýynsyz qalǵan otbasylardy umytpaı, olarǵa kómek kórsetý. Osy aksııanyń arqasynda, taǵy da onǵa jýyq otbasyǵa qoldaý kórsetemiz degen josparlaryn bar ekeniń aıtyp ketti.
«Batys» óńirlik qolbasshyly túrli aksııalar men áleýmettik baǵdarlamalarǵa udaıy qoldaý kórsetip otyrady, «Mektepke jol» aksııasy bolsa keń kólemde bıyl tórtinshi márte ótkizilýde. Bıyl barlyq kópbalaly áskerı qyzmetshilerdiń otbasylaryna tolyqtaı kómek kórsetildi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
