Almatyda QR Konstıtýsııasy kúni qarsańynda «Nur Otan» partııasy Almaty qalalyq fılıaly men «MEGA Center Almaty» saýda oıyn-saýyq kesheni birlesip, balalar úıleriniń tárbıelenýshileri men jaǵdaıy tómen otbasylaryndaǵy balalar úshin qaıyrymdylyq aksııasyn ótkizdi.
Merekelik shara barysynda búldirshinder túrli baıqaýlarǵa qatysyp, olarǵa júldeler men syılyqtar tabys etildi. Arnaıy balalar úshin «HAPPYLON» oıyn-saýyq aımaǵy tegin jumys istedi.
- Bul aksııa jyl boıy uıymdastyrylatyn bolady. Biz barlyq balalarǵa merekelik kóńil kúı syılaǵymyz keledi. Olardyń keıbireýleri mundaı attraksıondardy alǵash ret kórip otyr. Sonymen qatar, búgin tegin konsert ótedi, vıktorına oınatylady. Bizdiń seriktester osyndaı bastamany qoldap, qol ushyn sozyp otyr. Sondaı-aq, az qamtylǵan otbasylarynyń balalaryna mektepke barýǵa barlyq qajetti mańyzdy kerek-jaraq zattar úlestirildi, - dedi «Nur Otan» partııasy Almaty qalalyq fılıaly tóraǵasynyń orynbasary Almajan Baqturazova.
- Bizdiń qalamyzda oıyn-saýyq ortalyqtary kóp, biraq barlyǵy úshin qoljetimdi emes. Búgingi sharanyń artyqshylyǵy balalarǵa oıyn kartalary taratylyp, ózine unaǵan oıyn avtomattaryn tańdaý múmkindigine ıe boldy. Mundaı aksııalar úlken ata-analar men balalar úshin qoldaý qoldaý bolyp tabylady- dep atap ótti shara qatysýshysy, eki balanyń anasy Olga.
Uıymdastyrýshylardyń aıtýynsha, osyndaı aksııalar Konstıtýsııa kúni qarsańynda únemi uıymdastyrylyp otyrady. Aýdandyq partııa fılıaldary bundaı is-sharalardy júrgizedi.
Qaıyryldylyq aksııasynan shattanyp máz bolǵan búldirshinder erekshe araıǵa bólenip, Ata Zańnyń shýaǵyn sezingendeı, mereılenip tarqasty.
Saparbaı PARMANQUL,
«Egemen Qazaqstan»
ALMATY
