Ondaǵy maqsat – Venesýeladaǵy bosqyndarynyń túıtkilin sheshý. Krıýgerdiń aıtýynsha, Lıma men Bogota osy jaǵdaıǵa qatysty basqa eldermen birlese jumys atqarýǵa daıyn.
«Kóshi-qon daǵdarysymen kúresý úshin qoldan kelgendi jasaımyz. Bas saýǵalap qashqan venesýelalyqtar týraly málimetterdi bilý jumysty biraz jeńildetedi. О́ıtkeni olardyń sany kún sanap ósip jatyr. Bul jaıtty jasyra almaımyz. Brazılııa úkimeti Venesýelamen shekarada ornalasqan Roraıma shtatyna qarýly kúshterin jibermek. El prezıdenti Mıshel Temerdiń aıtýynsha, bul shara brazılııalyqtar men venesýelalyq mıgranttardyń qaýipsizdigin qamtamasyz etý úshin jasalyp otyr», deıdi Krıstıan Krıýger.
Venesýeladaǵy saıası jáne ekonomıkalyq daǵdarys ýshyǵýy saldarynan turǵyndar elden qonys aýdarýǵa májbúr bolyp otyr.
Halyqaralyq kóshi-qon uıymynyń deregi boıynsha, 2015-2017 jyldar aralyǵynda mıgranttardyń sany 10 esege artqan, ıaǵnı 700 myńnan 1 jarym mıllıonǵa ósken.
