Músháıra qazaq poezııasynyń klassıgi О́tejan Nurǵalıevtiń shyǵarmashylyǵyn nasıhattaý, Aqtóbe óńiriniń rýhanı áleýetin dáripteý men jas talanttardyń shyǵarmashylyǵyn qoldaý maqsatynda uıymdastyrylyp jatyr.
Jyr dodasyna qatysatyn aqyndar tómendegi úsh taqyryp boıynsha buryn jarııalanbaǵan óleńderin joldaýy tıis:
• «О́zgeshe órilgen ǵumyr» (О́.Nurǵalıev týraly óleńder);
• «Qutty meken — Aqtóbe»;
• Erkin taqyryp.
Sonymen qatar avtor týraly aqparat bólek faılda usynylady, munda qatysýshynyń tolyq aty-jóni, týǵan jyly, jumys orny men qyzmeti, oqý orny men kýrsy, turǵylyqty mekenjaıy, elektrondy poshtasynyń mekenjaıy, telefondary (jumys, uıaly), óleńderiniń taqyryby, qysqasha shyǵarmashylyq ómirbaıany, túrli tústi sýreti men jeke kýáliginiń skanerlengen kóshirmeleri jiberilýi tıis.
Ekinshi faılda baıqaýǵa usynylatyn óleńderi búrkenshik esimmen salynýy kerek. О́leńder Times New Roman shrıftimen (14 rt), 1 aralyq ıntervalmen, Word mátindik redaktorynda terilip, on.mushaira@mail.ru elektrondy mekenjaıyna 25 qyrkúıekke deıin joldanýy tıis.
Negizgi kezeńder: óleńderdi qabyldaý – 25 qyrkúıekke deıin; irikteý kezeńi – 26 qyrkúıek-5 qazan; qorytyndy – 19 qazan.
Músháıra jeńimpazdary arnaıy dıplom jáne syıaqymen marapattalady:
Bas júlde bireý – 500 000 teńge;
I oryn bireý – 400 000 teńge;
II oryn bireý – 300 000 teńge;
III oryn bireý – 200 000 teńge.
