Sýretterdi túsirgen Erlan OMAR
Mádenıet jáne sport mınıstrliginiń Til saıasaty komıteti jáne Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy uıymdastarǵan aıtýly sharaǵa qoıǵam qaıratkerleri, shyǵarmashylyq zııaly qaýym ókilderi, ǵalymdar qatysty. «О́tken jyly Elbasy Nursultan Nazarbaev «Qazaq tili álipbıin kırıllısadan latyn grafıkasyna kóshirý týraly» Jarlyqqa qol qoıdy. Ony iske asyrý úshin Úkimet janynan Ulttyq komıssııa quryldy. Úkimet 2025 jylǵa deıin latyn grafıkasyna kezeń kezeńmen kóshirýdiń josparyn bekitti. Biz «Til-Qazyna» ǵylymı-praktıkalyq ortalyǵyn qurdyq. Qazir respýblıkamyzda latyn grafıkasyna negizdelgen jańa emle erejesi aprobasııadan ótýde. Bul bárimiz jumyla kirisetin ulttyq jumys» dedi, Mádenıet jáne sport mınıstr Arystanbek Muhamedıuly.
Til merekesiniń 5 qyrkúıek bolyp belgilenýiniń de ózindik sebebi bar. Bul kún – «Ulttyń saqtalýyna da, joǵalýyna da sebep bolatyn nárseniń qýattysy – til» dep ulaǵatty sóz qaldyrǵan, qazaq halqynyń taǵdyry, tili úshin kúresken Alash arysy, Ult ustazy Ahmet Baıtursynulynyń týǵan kúni. Qazaqtyń ádebıet zertteýshi ǵalymy, túrkitanýshy, pýblısıst, pedagog, aýdarmashy, qoǵam qaıratkeri Ahmet Baıtursynuly 1872 jyly 5 qyrkúıekte qazirgi Qostanaı oblysy, Jangeldın aýdany, Sarytúbek eldi mekeninde dúnıege kelgen bolatyn.
Al respýblıkalyq jas aqyndar baıqaýyna 36 avtordan 70-ke jýyq materıal kelip túsken. «Elbasy jáne elorda» jyr jınaǵyna 36 avtordyń 66 óleńi engizildi. Erejege sáıkes qalamgerler óleńderine Qazaqstannyń damý jolynda Elbasynyń sińirgen eńbegi men Arqa tósindegi jas Astananyń 20 jyldyq mereıtoıyn arqaý etken.
Múshaıraǵa usynylǵan shyǵarmalardy elimizge belgili aqyndar men fılolog ǵalymdardan qurylǵan arnaıy qazylar alqasy saraptap, jeńimpaz ben júldegerlerdi anyqtaǵan.
Baǵashar TURSYNBAIULY,
«Egemen Qazaqstan»
